| e-texts navigator |
| Wylie |
185a1 སོ།། རབ་ཏུ་མི་གནས་གསང་བའི་ལུང་།། དབྱེར་མེད་གསང་བའི་དོན་རྟོགས་པས།། དགེ་སྡིག་བླང་དོར་དབྱེར་མེད་པས།། སྡིག་པ་སྤྱད་པས་དམ་པའི་མཆོག། ཐེག་ཆེན་གསང་བར་ཞུགས་པ
185a2 ཡིས།། མཚམས་མེད་ལྔ་པོ་རྫོགས་བྱེད་ཅིང་།། རྣལ་འབྱོར་གནས་ལ་བཀུར་བ་དང་།། དམ་རྫས་ཟས་སུ་སྤྱོད་པ་དང་།། ལྷ་ཁང་མདོ་སྡེ་བསྲེག་པ་དང་།། ཡེ་ཤེས་རྣམ་གྲོལ་རྫོགས་པའི་ཀློང་།། ཐེག་པ་འདི་ལ་གནས
185a3 པ་ཡིས།། དེ་མ་ཐག་པར་གྲུབ་པར་འགྱུར།། ཞེས་གསུངས་པ་དང་།། སངས་རྒྱས་ཐམས་ཅད་བརྒྱལ་བར་གྱུར་ཏོ།། དེ་ནས་དེ་མ་ཐག་རྒྱལ་བས་བྱིན་གྱིས་བརླབས་ཏེ།། གསང་བ་ཤིན་ཏུ་རྣལ་འབྱོར་དྲི་མ་མེད
185a4 པ་ཐུགས་སུ་ཆུད་དེ། དྲན་པ་སླར་རྙེད་ནས་ངོ་མཚར་ཞིང་ཞུས་པའི་ཚུལ་གྱིས་འདི་སྐད་ཅེས་གསོལ་ཏོ།། ཨེ་མ་ཧོ་སངས་རྒྱས་ཐམས་ཅད་ཀྱི།། མི་འབྱེད་བླང་དོར་མེད་པའི་ཐུགས།། ཐེག་པའི་སྙིང་པོ་རྟོགས་དཀའ
185a5 བ།། གཉིས་མེད་གོམས་པའི་སྟོབས་ཀྱིས་གྲུབ།། དེ་ཉིད་ཀུན་གྱི་ཡུལ་མིན་ཏེ།། ཐུགས་རྗེ་དགོངས་པས་རིག་པ་བསྟན།། ལས་དང་བག་ཆགས་མི་དགོས་པས།། གང་ཡང་འགག་པ་མེད་པར་སྤྱོད།། ཅེས་གསོལ
185a6 ཏོ།། དེ་ནས་དེ་བཞིན་གཤེགས་པ་ཐམས་ཅད་ཀྱི་རང་བཞིན་དེས།། དེ་དག་ལ་འདི་སྐད་ཅེས་གསུངས་སོ།། རྫོགས་པ་ཀུན་འདུས་འོད་ཀྱི་རྒྱུད།། སྔ་མ་དག་ཏུ་མ་གསུངས་པའི།། ཕྱི་མ་ཟབ་མོ་བསྡུས་པའི
iiif viewer powered by OpenSeadragon
