| e-texts navigator |
| Wylie |
184b1 སོ།། རིན་ཆེན་ཀློང་དགུའི་རྒྱུད་ལས། རྒྱུད་གཟུང་ཞིང་གཏད་པའི་ལེའུ་སྟེ་བཅུ་གཉིས་པའོ།། །། སློབ་དཔོན་ཆེན་པོ་ཤྲཱི་སིང་ཧ་དང་། དགེ་སློང་བེ་རོ་ཙ་ནས་བསྒྱུར་བའོ།། རྫོགས་པ་ཆེན་པོ་རིན་ཆེན་ཀློང
184b2 དགུའི་རྒྱུད་གསང་བ་རྫོགས་སོ།། །། རྒྱུད་འདིའི་སྣོད་མདོ་བྱང་བདུན་པར་ལྟོས་ཤིག།།
184b3 །། རྒྱ་གར་སྐད་དུ། བོ་དྷི་ཙིཏྟ་བིན་དྷ་པྲ་བྷ་ནི་ཏན་ཏྲ་ནཱ་མ། བོད་སྐད་དུ། བྱང་ཆུབ་ཀྱི་སེམས་ཀུན་འདུས་འོད་ཀྱི་རྒྱུད་ཅེས་བྱ་བ། སེམས་ཉིད་རྫོགས་པ་ཆེན་པོ་ལ་ཕྱག་འཚལ་ལོ།། དེ་ནས་སངས་རྒྱས་ཐམས
184b4 ཅད་རབ་ཏུ་བརྒྱ་ལ། དངངས་པ་དང་།། སྐྲག་པར་གྱུར་ཏེ་ཅང་མི་སྨྲ་བར་འཁོད་དོ།། དེ་ནས་དེ་བཞིན་གཤེགས་པ་ཐུགས་རྗེ་ཡེ་ཤེས་ཀུན་ཏུ་ཁྱབ་པ་ཞེས་བྱ་བའི་འོད་ཀྱི་འཕྲེང་བ་རྣམ་པར་སྣང་མཛད་དེ་རབ་ཏུ
184b5 བསྐུལ་བར་གྱུར་ཏོ།། དེ་ནས་སངས་རྒྱས་ཐམས་ཅད་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ།། ཨེ་མ་ཧོ་སངས་རྒྱས་ཀུན་ཀྱི་ཐུགས།། རབ་ཏུ་གསང་ཞིང་དྲི་མ་མེད།། འདི་དག་ཐེ་ཙོམ་སྐྱེ་བའི་རྒྱུ།། གསང
184b6 སྔགས་ལྟ་སྤྱོད་ངོ་མཚར་ཆེ།། ཞེས་གསོལ་ཏོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དེ་བཞིན་གཤེགས་པ་ཀུན་གྱི་རང་བཞིན་དེས། གསང་སྔགས་ཀྱི་ཆེ་བ་བསྟན་པའི་ཕྱིར་འདི་སྐད་ཅེས་གསུངས
iiif viewer powered by OpenSeadragon
