| e-texts navigator |
| Wylie |
184a1 གསུམ་རྒྱལ་བ་ཐམས་ཅད་ཀྱི།། གསང་མཛོད་རིག་པའི་ཀློང་དགུ་འདི།། གསུངས་གི་བདུད་རྩི་ཀུན་གྱི་བཅུད།། ཐེག་པའི་ཡང་རྩེ་དོན་གྱི་མཆོག། ཕྱོགས་ཀུན་གསལ་འབྲེལ་ངེས་པའི་མདོ།། རིན་ཆེན
184a2 སྙིང་པོ་འཕྲུལ་གྱི་སྒོ།། སྐལ་ལྡན་རབ་ཀྱི་དོན་དུ་བསྟན།། གཞན་གྱི་དོན་དུ་མ་གསུངས་སོ།། རིན་ཆེན་གཏེར་གྱི་སྙིང་པོ་འདི།། ཐེག་པའམ་བསྟན་པ་མ་ལུས་པ།། ཀློང་དགུའི་ནང་དུ་མ་འདུས་མེད།། དེ་ཉིད་བྱང
184a3 ཆུབ་སེམས་ཉིད་ཀློང་།། ཐབས་ཆེན་རིག་པའི་སྒྲོན་མ་འདི།། དད་དང་དམ་ཚིག་སྙིང་རྗེ་ཆེ།། བླ་མ་ལ་གུས་བརྩོན་འགྲུས་ཅན།། བསྐལ་པར་སྦྱངས་པའི་ཤེས་རབ་ཅན།། སྐྱེ་བ་བདུན་པའི་གང་ཟག་དེ།། སྐལ་ལྡན
184a4 མཆོག་གི་རྣལ་འབྱོར་པ།། རྒྱལ་ཚབ་ངེས་པ་གཅིག་ལ་གཏད།། ཆོས་ལ་དད་པ་ཆུང་བ་དང་།། དམ་ཚིག་ཕྱལ་བར་གཏོང་བ་དང་།། སྙིང་རྗེས་སེམས་ཅན་མི་སྐྱོབ་དང་།། ཐེག་པའི་རིགས་སུ་མ་ངེས་དང་།། བརྩོན
184a5 འགྲུས་མྱུར་བའི་སྟོབས་མེད་ཅིང་།། འཇིག་རྟེན་གྲགས་པ་གཙོར་བཞག་ནས།། རྡོ་རྗེ་བླ་མ་མི་བཀུར་དང་།། ཤེས་རབ་འབྱེད་པ་མེད་པ་དང་།། ཟང་ཟིང་གུས་པར་མི་འབུལ་བའི།། འཇིག་རྟེན་འཆལ་པ་གང་དག
184a6 ལ།། གསང་བའི་གཏེར་འདི་གང་གཏོད་པ།། མཁའ་འགྲོ་འདུས་ནས་ཟོས་པ་དང་།། རྡོ་རྗེ་ཁབ་ཏུ་ལྟུང་བར་འགྱུར།། གང་ཡང་གསུམ་ལ་མི་བསྟན་ཅིང་།། རྒྱལ་ཚབ་ངེས་པ་གཅིག་ལ་གཏད།། ཅེས་གསུངས
iiif viewer powered by OpenSeadragon
