| e-texts navigator |
| Wylie |
183b1 རྒྱས་སེམས་ཅན་གཉིས་སུ་བྱུང་།། དངོས་པོ་ཉིད་ལ་གཅིག་ཏུ་མཉམ།། སྐུ་དང་དཔེ་བྱད་འོད་འབར་བ།། འདུལ་བའི་ངོ་ལ་བསྟན་པ་ཡང་།། དྲང་དོན་འཇིག་རྟེན་སངས་རྒྱས་ཏེ།། འདུལ་དབང་དངོས་པོ་གནས་པ
183b2 མིན།། རང་བྱུང་རིག་པ་འོད་འབར་བ།། ཀུན་ཀྱང་དེ་ཉིད་མཚུངས་པར་ལྡན།། དེ་ཉིད་ཆོས་སྐུ་ཆེན་པོར་བཤད།། རང་ལ་བསྟན་ཅིང་རང་ལ་འགྲེལ།། རང་བྱུང་གསང་བ་རང་ལ་འཆད།། རང་བྱུང་འཁོར་ལོ་རང་ལ
183b3 བསྐོར།། གཞན་དུ་བྱ་བའི་ཡུལ་མེད་པས།། དེ་བཞིན་ཉིད་ལ་རྟག་ཏུ་བཞུགས།། སྟོན་པ་ཡིད་བཞིན་ནོར་བུ་བཞིན།། ལས་དང་རྐྱེན་ལས་མི་སྣང་བས།། དེ་ཡི་སྐུ་གསུང་རྡོ་རྗེ་ནི།། བྱིན་རླབས་བསམ་གྱིས་མི་ཁྱབ
183b4 འདོད།། གང་དང་གང་སྣང་དེ་དང་དེ།། མཐུན་འཇུག་འཚམ་པའི་ཐབས་སུ་བསྟན།། དེ་ཉིད་རྒྱལ་བའི་ཐུགས་སུ་འདུས།། རང་བྱུང་ལྷུན་རྫོགས་སྙིང་པོ་ནི།། ཇི་ལྟར་སྣང་བ་དེ་ལྟར་ཡིན།། ཞེས་གསུངས་སོ།། རིན
183b5 ཆེན་ཀློང་དགུའི་རྒྱུད་ལས། འབྲས་བུ་རིན་པོ་ཆེ་ལྷུན་གྱིས་གྲུབ་པའི་ཀློང་གི་ལེའུ་སྟེ་བཅུ་གཅིག་པའོ།། །། དེ་ནས་སེམས་དཔའ་རྡོ་རྗེས་འདི་སྐད་ཅེས་ཞུས་སོ།། དུས་གསུམ་རྒྱལ་བའི་ཟུག་ཀྱི
183b6 མཛོད།། གསང་བ་ཀློང་དགུའི་བསྟན་པ་འདི།། གང་ཟག་གང་གིས་བསྟན་པ་བཟུང་།། མགོན་པོ་དཔའ་བོས་བཤད་དུ་གསོལ།། ཞེས་ཞུས་པ་ལས།། དེ་བཞིན་གཤེགས་པས་འདི་སྐད་ཅེས་གསུངས་སོ།། དུས
iiif viewer powered by OpenSeadragon
