| e-texts navigator |
| Wylie |
183a1 སྐྱེ་མི་གནས་ཀྱང་།། ཕྱོགས་རིས་དུ་ཤེས་མི་མངའ་བས།། བསམ་པའི་ཁྱད་པར་སོ་སོར་སྣང་།། དམྱལ་བ་ཡི་དྭགས་བྱོལ་སོང་དང་།། ལྷ་དང་ལྷ་མིན་སྲིན་པོ་མི།། བདེ་སྡུག་ཁྱད་པར་ཅིར་སྣང་བ།། དེ
183a2 དག་ཐུགས་རྗེ་ཆེན་པོ་ཡིན།། ནད་དང་མུ་གེ་མཚོན་ཉིད་དང་།། མེ་ཆུ་རླུང་དང་ནམ་མཁའ་སྟོངས།། དེ་དག་རིམ་པ་ཅིར་བསྟན་པ།། ཐུགས་རྗེ་རྨད་བྱུང་རོལ་པ་ཡིན།། ཇི་ལྟ་ཇི་ལྟར་དེ་དག་ཏུ།། འདུལ་བའི་ཐབས་སུ
183a3 བསྟན་པ་ཡིན།། རྒྱལ་བ་གང་དང་གང་དག་གིས།། འདུལ་བའི་ཐབས་སུ་གང་བསྟན་པ།། ཕྱོགས་མཐོང་ལོག་པའི་འདུ་ཤེས་ཀྱིས།། སྡང་སེམས་གནོད་སྦྱོར་ཉིད་དུ་མཐོང་།། གནོད་སྦྱོར་ཕན་པའི་གཟི་བརྗིད
183a4 ཀྱིས།། གྲོལ་བའི་ལམ་ལ་དགོད་པར་བྱ།། ཐུགས་རྗེ་ཆེན་པོས་མ་ཁྱབ་ན།། ལས་དང་ཐུགས་རྗེ་འབྲེལ་བ་མེད།། དེ་དག་མེད་པར་གྱུར་ན་ནི།། གྲོལ་ཐར་མེད་པའི་སྐྱོན་དུ་འགྱུར།། ལྷུན་གྲུབ་རིན་ཆེན་ཕུང་པོ
183a5 ལ།། རྩོལ་བྲལ་རིག་པར་མཉམ་སྦྱར་ཞིང་།། ངེས་པར་བརྡ་དོན་ཕྲད་པ་ཡིས།། འབྲས་བུ་རིན་ཆེན་ལྷུན་གྱིས་རྫོགས།། རྩོལ་བ་མ་ཡིན་ལྷུན་གྱིས་གྲུབ།། སྤྱན་དྲངས་མ་ཡིན་ཡེ་ནས་གནས།། སྦྱངས་པ་མ་ཡིན་གདོད
183a6 ནས་དག། རིམ་པ་མ་ཡིན་དུས་གཅིག་རྫོགས།། ཕྱོགས་རིས་མ་ཡིན་ཁྱབ་པར་བད་ལ།། མཛད་པ་ཕྱོགས་མེད་དུས་གཅིག་གྲུབ།། གདོད་ནས་འབྲས་བུར་ལྷུན་གྲུབ་ལ།། མཐོང་དང་མ་མཐོང་ཁྱད་པར་གྱིས།། སངས
iiif viewer powered by OpenSeadragon
