| e-texts navigator |
| Wylie |
182b1 དག། རིག་པའི་ཐུགས་ཏེ་ཐུགས་ཀྱི་མཆོག། མ་བཅོས་ཇི་བཞིན་ཉིད་ལ་གནས།། ཆོས་ཀུན་མ་བཅོས་རྒྱུད་འཚངས་པ།། གསང་བའི་གསང་བ་རིག་པའི་ཉམས།། འདའ་བར་དཀའ་སྟེ་རིག་པའི་གནས།། ཐེག་པའི
182b2 སྙིང་པོ་གཅིག་ལ་འདུས།། འདའ་དཀའ་རིག་པའི་དམ་ཚིག་ལ།། ཀུན་ཏུ་ཁྱབ་པར་གནས་པར་བྱའོ།། ཞེས་གསུངས་སོ།། རིན་ཆེན་ཀློང་དགུའི་རྒྱུད་ལས།། བསྲུང་མེད་དམ་ཚིག་ཀློང་གི་ལེའུ་སྟེ། བཅུ
182b3 པའོ།། །། དེ་ནས་ཡང་སེམས་དཔའ་རྡོ་རྗེ་དེ་ཉིད་ཀྱིས། དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་ཞུས་སོ།། དུས་གསུམ་མ་བཙལ་ལྷུན་གྲུབ་པས།། མ་བསགས་གདོད་ནས་རྫོགས་པ
182b4 ཡིས།། བྱང་ཆུབ་སེམས་ཀྱི་རང་བཞིན་ལས།། ལྷུན་གྲུབ་འབྲས་བུ་ཇི་ལྟར་འཆར།། ཞེས་ཞུས་སོ།། དེ་ནས་དེ་བཞིན་གཤེགས་པ་དགྱེས་པ་ཆེན་པོས་གསུངས་པ།། ཏཀྐ་ཀ་ཡི་སྙིང་པོ་བཞིན།། མ་བསགས་གདོད
182b5 ནས་རྫོགས་པའི་ཕྱིར།། ཇི་ལྟར་ཉི་མའི་འོད་ཟེར་བཞིན།། ཀུན་ལ་ཇི་ལྟར་མཐུན་པ་འབྱུང་།། ས་དང་ཆུ་དང་མེ་དང་རླུང་།། འདོད་ལྔ་ཀུན་ཏུ་སྦྱོར་བ་ཡང་།། སངས་རྒྱས་ཐུགས་རྗེ་རོལ་པ་ཤར།། ཐུགས་རྗེ་ནམ
182b6 མཁའི་མཐའ་ལྟར་བདེ་ལ།། གང་དང་གང་དག་དེ་དག་ལ།། ཐུགས་རྗེ་ཆེན་པོ་མི་སྣང་ན།། སྐྱོབ་པའི་ཐུགས་རྗེ་ཡལ་ལམ་ཅི།། སེམས་ཅན་ཁྱད་པར་ཅི་ཞིག་ཡོད།། དངོས་ལ་ཐུགས་རྗེའི་ཡུལ་མེད་པས།། སྐྱེ་དང་མི
iiif viewer powered by OpenSeadragon
