| e-texts navigator |
| Wylie |
182a1 རིག་ཆེན་པོ་ཉིད།། འདུས་པའི་རྒྱུ་རྐྱེན་རྣམ་དག་པས།། འོད་གསལ་ཡེ་ཤེས་སྐྱེ་འགག་མེད།། བརྗོད་བྲལ་རིག་པའི་དམ་ཚིག་ལ།། ལྷག་པའི་དམ་ཚིག་རྣམ་བཞི་པོ།། མ་བཙལ་ལྷུན་གྱིས་གྲུབ་པར
182a2 གནས།། མ་བྱུང་མ་སྐྱེས་ཇི་བཞིན་ཉིད།། རྒྱུ་འབྲས་བྲལ་བའི་དམ་ཚིག་གོ། མཐའ་བྲལ་ནམ་མཁའི་དམ་ཚིག་ལ།། མཐའ་དབུས་རྣམ་རྟོག་གང་འཇུག་པ།། དེ་བཞིན་ཉིད་ཀྱི་དམ་ལས་འདས།། བདེ་ཆེན་གསང་བའི
182a3 ལམ་དང་བྲལ།། གཟུང་འཛིན་ཆགས་པའི་གཟེབ་ཀྱིས་བཅིངས།། རྒྱུད་དྲུག་འཁོར་བའི་ལམ་དང་འབྲེལ།། རང་བྱུང་ཡེ་ཤེས་དོན་ལས་གོལ།། བསམ་འདས་བརྗོད་མེད་ཆོས་ཀྱི་དབྱིངས།། ཇི་བཞིན་རང་བཞིན་རྣམ
182a4 པར་དག། རིག་པ་མ་བཅོས་རླུང་དུ་འཇུག། བརྒྱ་ཕྲག་བསམ་གྱིས་མི་ཁྱབ་པ།། སྙིང་པོ་གཅིག་སྟེ་རྫོགས་པའི་ལུང་།། རང་གསལ་རིག་པ་རྗེས་སུ་འཇུག། ཐེག་པའི་སྙིང་པོ་རྫོགས་པའི་ལུང་།། རྒྱུད་དང་བྱ་བྲལ
182a5 རྫོགས་པ་དང་།། མཁའ་ཁྱབ་རིག་པ་སེམས་ལུང་གིས།། བསམ་གྱིས་མི་ཁྱབ་དུས་གཅིག་མཁྱེན།། རྒྱལ་བ་ཀུན་གྱི་ཐུག་རིག་པ།། རྒྱལ་བ་ཀུན་གྱི་ཐུགས་ཀྱི་མཆོག། སེམས་ཅན་ཀུན་གྱི་སེམས་ཆེན་པོ།། གདོད
182a6 ནས་དག་པས་དྲི་མ་མེད།། ཀུན་ལ་སྣང་ཞིང་ཐེར་ཟུག་མིན།། རང་སྣང་ཆོས་ཉིད་དམ་ཚིག་ལ།། ཅི་ཡང་མིན་ལ་ཅིར་ཡང་འབྱུང་།། བསམ་སྤྱོད་མཚན་འཛིན་རྟོག་ལས་འདས།། ཡེ་ཤེས་རྫོགས་ལུང་རྣམ་པར
iiif viewer powered by OpenSeadragon
