| e-texts navigator |
| Wylie |
181a1 བརྟགས་པ་ཀུན་བྲལ་བ།། ནམ་མཁའ་དྲི་མེད་ཤིན་ཏུ་གསལ།། བརྟག་ཏུ་མེད་ཅིང་སྤྱད་དུ་མེད།། བསམ་མེད་བརྗོད་པ་ཀུན་ལས་འདས།། འཇུག་དང་མི་འཇུག་གཉིས་བྲལ་བས།། རིག་པའི་ཡེ་ཤེས
181a2 ཆེན་པོ་ལ།། མ་བཅོས་ངང་ལ་ལྷུན་གྱིས་རྫོགས།། མ་བཅོས་གསང་བ་དབྱིངས་ཀྱི་ལམ།། འབྱུང་འཇུག་མེད་པའི་ཚུལ་གྱིས་ཤེས།། རྩེ་སྤྲད་མ་སྤྱོད་དབྱིངས་ལ་འདུས།། རྩིས་ལས་འདས་པའི་བྱང་ཆུབ་སྐུ།། འདུ་འཕྲོ
181a3 མི་མངའ་དབྱིངས་ལ་གསལ།། འབྱུང་འཇུག་རིག་པའི་རྗེས་མི་འབྲེང་།། གཟའ་བྲལ་ཡུལ་དང་དབང་པོས་སྟོང་།། མ་བཅིངས་མ་གྲོལ་ཇི་བཞིན་གནས།། ཕྱོགས་འཛིན་རྩོལ་བའི་ལམ་བརྒྱུད་ཀྱིས།། རང་རིག་བདེ།
181a4 ཆེན་དོན་དང་འགལ།། རྩོལ་བའི་ཆུ་བོ་རབ་འབོགས་པས།། བཙལ་མེད་ལྷུན་གྲུབ་དོན་མི་མཐོང་།། ཅི་ཡང་ཡིན་ནོ་གང་ཡང་རུང་།། དགག་སྒྲུབ་མེད་པར་རང་གསལ་ཞིང་།། རང་བཞིན་མ་བཅོས་ཞི་བ་ཡིན།། ལུས
181a5 ག་སེམས་ཀྱི་བྱ་བཙལ་མེད།། འདི་ནས་རང་བྱུང་རིག་པའི་ལམ།། དོན་ལ་སྦྱོར་ཞིང་ཚིག་ཏུ་མིན།། ཞེས་གསུངས་སོ།། རིན་ཆེན་ཀློང་དགུའི་རྒྱུད་ལས།། བགྲོད་དུ་མེད་པ་ས་དང་ལམ་གྱིས་ཀློང་གི་ལེའུ་སྟེ་དགུ
181a6 པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་དེས།། དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱིས།། སྐུ་གསུང་ཐུགས་ཀྱི་དམ་ཚིག
iiif viewer powered by OpenSeadragon
