| e-texts navigator |
| Wylie |
180b1 ཀྱིས་མངོན་སངས་རྒྱས།། སྐལ་ལྡན་འདུས་པ་ཆེན་པོའི་ཚོགས།། རང་བྱུང་གསང་བ་ཉིད་ཀྱི་ཉམས།། ཤེས་རབ་ཉམ་མྱོང་ཆེན་པོ་དེ།། བར་ཆེད་མེད་པར་ཉམས་མྱོང་བས།། དེ་ཉིད་འཇུག་པའི་ལམ་ཡིན་ནོ།། དོན
180b2 ལམ་གསང་བ་རིག་པའི་གཏེར།། ཚིག་དོན་མ་ལུས་འཛིན་པའི་གནས།། ཚིག་མེད་རིག་པས་མཉམ་པར་རྟོགས།། སྐལ་ལྡན་སྒྲ་ལ་བརྟེན་པ་ཡིས།། བརྗོད་པས་བརྗོད་མེད་གསལ་བར་རྟོགས།། པྲ་ཀྲིད་ཐབས་ཀྱི
180b3 ཁྱད་པར་གྱིས།། ཤེས་རབ་ཆེན་པོའི་ཐོབ་པ་ཡིས།། རྟགས་པའི་བུམ་པ་རྣམ་བཅག་ན།། ཡེ་ཤེས་སྣང་བ་མཆེད་པར་འགྱུར།། འབྱུང་འཇུག་མེད་པའི་དོན་ལམ་འདི།། གང་ལྟར་གསལ་བ་དེ་ལམ་ཡིན།། རྣམ་པར་རྟོག་པ
180b4 ཀུན་གྱིས་སྟོང་།། ལམ་ལྔ་སྦྱོར་བ་འཕྲུལ་བའི་ནད།། ཡེ་ནས་དག་པས་སྦྱང་དུ་མེད།། ལྷུན་གྱིས་གྲུབ་པས་བཙལ་དུ་མེད།། རང་ལ་རྫོགས་པས་བདག་གཞན་མེད།། ས་བཅུ་བགྲོད་པ་རྟོགས་པའི་གྲངས།། བགྲང
180b5 མེད་ནམ་མཁའི་ངོ་བོ་ལ།། མཐར་འཛིན་གྲངས་ཀྱི་ཅི་རྩོལ་བ།། ནམ་མཁའི་མཐའ་ལ་སྤྱོད་པ་འདྲ།། མ་བགྲོད་མ་སྦྱོངས་ཡུལ་མ་ཚོལ།། སྒོ་གསུམ་མ་བཅོས་ཡལ་བར་གནས།། དམ་པའི་འདུ་ཤེས་ཉེར་ཞི་བ།། སྒོ
180b6 འདོགས་སྐུར་འདེབས་རྣམ་པར་གཅོད།། དམིགས་འཛིན་རྩོལ་བ་ཀུན་གྱིས་སྟོང་།། བསམ་པ་མ་ཡིན་མི་བསམ་ཡིན།། གཉིས་ཀར་འཛིན་པའི་སེམས་བྲལ་བས།། བརྟགས་པའི་འདུ་ཤེས་ཀུན་གྱིས་དབེན།། ཤེས་ཡུལ
iiif viewer powered by OpenSeadragon
