| e-texts navigator |
| Wylie |
17b1 པའི་བདག། རིག་ཆེན་འཕྲུལ་གྱི་སྙིང་པོའི་སྒོ།། སྐལ་ལྡན་རྣམས་ལ་བསྟན་དུ་གསོལ།། ཞེས་གསུངས་པ་དང་།། སྐྱེ་མེད་རྡོ་རྗེ་སེམས་དཔའ་དེ་རང་བཞིན་འདུས་མ་བྱས་པའི་རྡོ་རྗེ་ལྟ་བུའི་ཏིང་ངེ་འཛིན་ལས
17b2 བཞེངས་ཏེ། ཨེ་མ་ངོ་མཚར་རྨད་བྱུང་གཙུག། རིན་ཆེན་འཕྲུལ་གྱི་ཐབས་ལྡན་པས།། གང་འདོད་འཐུན་པའི་སྒོ་དེ་ནས།། རྩོལ་མེད་དབྱིག་དང་ཕྲད་པར་བགྱི།། བྱང་ཆུབ་སེམས་ཀྱི་དངོས་པོ་ལ།། བརྗོད་པའི་ཐ
17b3 སྙད་ཀུན་བྲལ་ཡང་།། མ་རྟོགས་བློ་ལ་ཚིག་སྒོ་ནས།། གསུང་གི་སྒྲོན་མ་གསལ་བར་བགྱི།། ཞེས་གསུངས་སོ།། དེ་ནས་སངས་རྒྱས་རྡོ་རྗེ་སེམས་དཔའ་དེས། རིན་ཆེན་ཐུགས་ཀྱི་དཔལ་བེའུ་ནས། ཕྱག་ན་རྡོ
17b4 རྗེ་ཐུགས་ཁ་ནས་ཕྱུང་སྟེ། ཡེ་ཤེས་རང་འབར་བའི་རྡོ་རྗེ་འཁོར་བ་གཅོད་པ་དེ་ལག་ཏུ་གཏད་ནས་འདི་སྐད་ཅེས་གསུངས་སོ།། གཉིས་མེད་ཡེ་ཤེས་གསང་བའི་དོན།། བྱར་མེད་མི་རྩོལ་ཡེ་ཤེས་ཆེ།། དབུ་མ་ཆེན
17b5 པོའི་དྲང་པོའི་ལམ།། འདུས་པའི་ཚོགས་ལ་བསྟན་པར་བགྱི།། ཞེས་གསུངས་སོ།། དེ་ནས་ཕྱག་ན་རྡོ་རྗེ་སེམས་དཔའ་ལ་འདི་སྐད་ཅེས་ཞུས་སོ།། ཆོས་རྣམས་ཀུན་གྱི་མཐར་ཟུག་པ།། རྡོ་རྗེ་སེམས་དཔའ་ནམ་མཁའ
17b6 ཆེ།། ནམ་མཁའ་རྟོག་པ་སྐྱེ་མེད་ཅིང་།། རྟོག་པ་དེ་ཉིད་ནམ་མཁའ་འདྲ།། མི་གང་ནམ་མཁའ་བསྔོ་བ་ལ།། རང་དོན་ཆེན་པོ་ནམ་མཁས་འབྱུང་།། ཐུགས་རྗེ་ནམ་མཁའ་ཀུན་ལ་ཁྱབ།། ངེས་དོན་ཆོས་ཀྱི་རྒྱལ་པོ
iiif viewer powered by OpenSeadragon
