| e-texts navigator |
| Wylie |
17a1 གྱིས་ཤིན་ཏུ་གདུང་བའི་ཐུགས་རྗེ་ཆེན་པོས་ཕྱོགས་བཅུའི་སངས་རྒྱས་ཐམས་ཅད་ལ་འདི་སྐད་ཅེས་བསྐུལ་ཏོ།། ཨེ་མ་ཧོ། གསུང་གི་མངའ་བདག་ཐམས་ཅད་ཀྱིས།། རྩོལ་བའི་ཐེག་པ་མཐར་སྟོན
17a2 ནས།། རྩོལ་བྲལ་ཐེག་པ་མི་གསུང་བ།། ཐུགས་རྗེ་ཆེན་པོ་ཡལ་ལམ་ཅི།། སྐལ་ལྡན་གདུལ་བྱ་མཆིས་པ་ལ།། བྱ་བྲལ་བདུད་རྩི་ལྟ་བུ་ཡི།། སྐྱེ་མེད་ཡེ་ཤེས་གསང་བའི་རྒྱུད།། ནམ་མཁའ་ལྟ་བུ་བཤད་དུ
17a3 གསོལ།། ཞེས་ཞུས་པ་དང་།། དེ་ནས་ཕྱོགས་བཅུའི་སངས་རྒྱས་ཐམས་ཅད་དགོངས་པ་འདུས་ནས་མགྲིན་གཅིག་ཏུ།། རྡོ་རྗེ་སེམས་དཔའ་ལ་འདི་སྐད་ཅེས་བཀའ་སྩལ་ཏོ།། དུས་གསུམ་སངས་རྒྱས་ཐམས་ཅད
17a4 ཀྱི།། ཐུགས་རྗེའི་རང་བཞིན་ཁྱོད་ཡིན་པས།། སངས་རྒྱས་ཀུན་གྱི་མཛད་པར་ཤར།། མཛད་པའི་འཕྲིན་ལས་ཁྱོད་ཀྱིས་མཛོད།། གསུང་གི་མངའ་བདག་ཐམས་ཅད་ཀྱི།། ཡེ་ཤེས་རང་བཞིན་ཁྱོད་ཡིན་པས།། ཐམས
17a5 ཅད་བྱང་ཆུབ་སེམས་སུ་གསལ།། ཡེ་ཤེས་གསང་བ་ཁྱོད་ཀྱིས་ཤོད།། བདེ་གཤེགས་མ་ལུས་ཐམས་ཅད་ཀྱི།། སྐུ་ཡི་ངོ་བོ་དང་ལྡན་པས།། རྨད་བྱུང་རོལ་པའི་སྐུ་རུ་ཤར།། སྐུ་ཡི་སྤྲུལ་པ་ཁྱོད་ཀྱིས་ཁྱེ།། དུས་གསུམ
17a6 མངའ་བདག་ཐམས་ཅད་ཀྱི།། ཡོན་ཏན་འདུས་པ་ཁྱོད་ཡིན་པས།། རྨད་བྱུང་རོལ་བའི་བྱིན་བརླབས་ཤར།། ཡོན་ཏན་ཐམས་ཅད་ཁྱོད་ལས་བྱུང་།། སྐྱེ་མེད་ནམ་མཁའ་ལྟ་བུའི་ཐུགས།། ཚིག་གཅིག་དོན་ཀུན་རྫོགས
iiif viewer powered by OpenSeadragon
