| e-texts navigator |
| Wylie |
179b1 ཡེ་ཤེས་དྲོད་ཚད་བསྟན།། དུས་ཚོད་གསལ་བའི་ངོས་གཟུང་ལ།། རྙོག་པ་བསལ་བའི་ཐབས་ཆེན་བསྟན།། དང་པོར་སྤྲད་ནས་བསྟན་པའི་རིམ།། འཕེལ་བའི་རིམ་པ་རྗེས་སུ་བསྟན།། དངོས་ལ་འཕེལ་འགྲིབ་མི
179b2 གནས་ཀྱང་།། གང་ཟག་བློ་ལ་བསྟན་མི་བསྟན།། ནུས་པ་གནས་ཕྱིར་བསྟན་པ་ཡིན།། དཀའ་ཐུབ་མི་བྱ་བདེ་བར་སྤྱད།། མ་བཅོས་རྒྱལ་ཐབས་གསང་བའི་དབང་།། རིག་པ་སྤྲད་པས་རྫོགས་པ་ཡིན།། རང་བྱུང
179b3 གསང་བའི་བསྟན་པ་འདི།། རྣམ་པ་ཀུན་ཏུ་རང་བཞིན་གནས།། གཉིས་མེད་ཡེ་ཤེས་རང་བྱུང་ལུང་།། རྒྱུ་རྐྱེན་བྲལ་བའི་རིག་པས་རྟོགས།། ཅིས་ཀྱང་མི་ཤིགས་སྙིང་པོ་ཅན།། རྡོ་རྗེ་འོད་གསལ་རྣམ་པར་དག། འབྱུང
179b4 འཇུག་མཚན་མའི་རྗེས་མི་འབྲེང་།། རང་གསལ་རིག་པ་ལྷུན་གྱིས་རྫོགས།། རང་རིག་གཉུག་མ་རྣམ་པར་དག། བརྗོད་དང་བརྗོད་བྱའི་དུ་ཤེས་མེད།། མ་བསྒོམས་རིག་པ་གསལ་བར་འབྱུང་།། དྲོད་དང་རྟགས་ལ་མི
179b5 རྟེན་ཏེ།། མངོན་སུམ་ཡེ་ཤེས་ཆེན་པོ་ལ།། སྲེད་དང་ཞེན་པའི་ཆོས་མེད་པས།། ཐམས་ཅད་འོད་གསལ་བདེ་ཆེན་པོ། ཞེན་རྟགས་ཆོས་ཀུན་མི་གནས་པས།། ཡེ་ཤེས་ཀློང་ཆེན་གསང་བའི་ལུང་།། སྲིད་གསུམ་ཐིག
179b6 ར་རྫོགས་པའི་ཕྱིར།། ཡེ་ཤེས་ཕྱག་རྒྱ་འདའ་བ་མེད།། ཡེ་ནས་རྩོལ་བྲལ་ལྷན་གྲུབ་ལ།། གྲུབ་བསྒྲུབ་ཁྱད་པར་ཀུན་དང་བྲལ།། ཐམས་ཅད་ཆོས་སྐར་རྫོགས་པས་ན།། གཟུགས་སྐ་མ་བསྒོམས་རང་བཞིན
iiif viewer powered by OpenSeadragon
