| e-texts navigator |
| Wylie |
178b1 ཀྱི།། རང་བྱུང་ཡེ་ཤེས་ཆེན་པོ་ལ།། རྒྱལ་ཐབས་རིག་པ་དབང་གི་ཀློང་།། འདུས་པའི་ཚོགས་ལ་བཤད་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པས་བཀའ་སྩལ་པ།། དུས་གསུམ་སངས་རྒྱས་ཐམས
178b2 ཅད་ཀྱི།། རང་བྱུང་གསང་བ་རྒྱ་མཚོའི་ཀློང་།། རང་བྱུང་རིག་པ་མུ་མཐའ་མེད། ཁྱབ་པར་གསལ་ལ་དངོས་པོ་མེད།། རྒྱལ་ཐབས་གསང་བ་དབང་གི་ཀློང་།། མ་བསྐུར་རིག་པ་རང་བཞིན་གསལ།། གདོད་ནས
178b3 རང་བྱུང་རིག་པའི་དབང་།། བསྐུར་ཐོབ་མི་གནས་ཡེ་ནས་འཕགས།། གསང་བར་རང་བྱུང་རིག་པའི་ལུང་།། དུས་མཐའ་གསལ་བའི་ངང་བཞིན་ལ།། ཡེ་ནས་ཁྱབ་པས་བསྐུར་ཐོབ་བྲལ།། ཞེས་གསུངས་སོ།། དེ
178b4 ནས་སེམས་དཔའ་རྡོ་རྗེས་སླར་ཞུས་པ། དུས་གསུམ་རྒྱལ་བ་ཐམས་ཅད་ཀྱི།། རྡོ་རྗེ་དབང་གི་རང་བཞིན་ལ།། བསྐུར་ཐོབ་ཁྱད་པར་མི་གནས་ན།། གྲོལ་ཞིང་ཐར་པ་མེད་པ་དང་།། ཡང་ན་འཁོར་བ་སྟོང་པ
178b5 དང་།། འདུལ་ཐབས་མེད་པར་མི་འགྱུར་རམ།། ཞེས་ཞུས་སོ།། དེ་ནས་དེ་བཞིན་གཤེགས་པས་བཀའ་སྩལ་པ། བརྡ་དོན་སྤྲད་པའི་ཁྱད་པར་གྱིས།། ཐིག་ལེ་ཆེན་པོའི་དབང་བསྐུར་ལ།། འགྱུར་བ་མེད་པའི་མན
178b6 ངག་སྦྱིན།། མི་འགྱུར་བརྟན་པའི་དབང་བསྐུར་ལ།། སྤྱོད་ལམ་རིག་པའི་མན་ངག་སྦྱིན།། སྒྲ་ཚིག་རིག་པའི་དབང་བསྐུར་ལ།། ཡེ་ཤེས་ངོས་འཛིན་མན་ངག་སྦྱིན།། སྐུ་གསུམ་ལྷུན་གྲུབ་དབང་བསྐུར་ལ།། ལྷུན་གྲུབ
iiif viewer powered by OpenSeadragon
