| e-texts navigator |
| Wylie |
178a1 ཡེ་ཤེས་བསམ་མི་ཁྱབ།། རྣ་བརྒྱུད་ཐུགས་ཀྱི་ལུང་བྱིན་པས།། སྙིང་པོ་རང་བྱུང་བླ་ན་མེད།། མ་བཅོས་གསང་བ་ཐུགས་ཉིད་ནི།། ཀུན་དང་མཐུན་པ་ཉིད་དུ་འབྱུང་།། དེ་ལྟར་རིག་པ་གདོད་ནས
178a2 དག། མ་བཅོས་རིག་པ་ཅིག་ཅར་འབྱུང་།། ཡེ་ནས་རིག་པ་བསམ་བྲལ་ལུང་།། འཛིན་པའི་དྲི་མ་ཀུན་དང་བྲལ།། ཆོས་ཉིད་གསང་བའི་དོན་ཉིད་ནི།། མཚན་མ་ཀུན་བྲལ་གསང་བའི་ཉམས།། འདི་དག་རིག་པའི་ཡེ
178a3 ཤེས་སོ།། དགོངས་པའི་རང་བྱུང་དོན་འདི་ལ།། སྒྲ་དང་རྗེས་དཔགས་གཏན་ཚིགས་ཀྱིས།། མི་རྟོག་ཟབ་མོ་རང་གསལ་འདི།། བླ་མའི་ཞལ་ལས་བླང་བར་བྱ།། དེ་ལྟར་གང་རུང་ཐོབ་ནས་ནི།། དེ་ཡི་དོན་ལ་གོམས
178a4 པར་བྱ།། ངེས་པའི་དོན་ལ་དེ་མ་ཐག། ཡིད་ཆེས་རང་བྱུང་རིག་པ་སྐྱེ།། མཚན་མ་བརྡལ་བྲལ་དོན་གྱི་ལུང་།། དེ་ཁོ་ན་ཉིད་གསང་བར་བཤད།། རང་གསལ་ཀློང་ལ་ཡེ་གནས་པས།། གཞན་ལ་མི་རྩོལ་རང་བཞིན
178a5 དག། སེམས་ཉིད་ཀློང་ལ་གནས་བཅས་པས།། རིག་པའི་ཐིག་ལེ་འོད་དུ་འབར།། གསང་བའི་ཐིག་ལེ་གཅིག་གི་དང་།། མི་གཡོ་རང་ལ་གནས་པར་བྱ།། ཞེས་གསུངས་སོ།། རིན་ཆེན་ཀློང་དགུའི་རྒྱུད
178a6 ལས།། དགོངས་པ་གསང་བའི་ཀློང་གི་ལེའུ་སྟེ་བདུན་པའོ།། །། དེ་ནས་རྡོ་རྗེ་སེམས་དཔའ་དེས།། དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་ཞུས་སོ།། དུས་གསུམ་སངས་རྒྱས་ཐམས་ཅད
iiif viewer powered by OpenSeadragon
