| e-texts navigator |
| Wylie |
177b1 ཁྱད་པར་ཅི་སྣང་ལ།། རང་བཞག་རིག་པར་གནས་པར་བྱ།། མི་གཡོ་གསང་བའི་ཉམས་ལྡན་པས།། དོན་ཀུན་ལྷུན་གྱིས་གྲུབ་པར་བྱེད།། རིག་པ་གནས་པ་ལྷུན་རྫོགས་ལ།། བཅོས་མེད་བརྟགས་པས་མངོན་སངས
177b2 རྒྱས།། མི་སྤྲོ་མི་བསྡུ་བཏང་བཞག་བྲལ།། དམིགས་བྲལ་བསམ་པའི་འདུ་ཤེས་མེད།། ལྷུན་གྲུབ་ཞེན་པའི་ཆོས་མེད་པས།། དེ་ཉིད་ཙམ་ཡང་བྲལ་བ་ཡིན།། ཐམས་ཅད་རང་རིག་གསང་བའི་ལུང་།། ཡེ་ཤེས་མཚན
177b3 མ་རྣམ་པར་དག། རྒྱལ་བའི་དགོངས་པ་མ་བཅོས་པ།། མཁྱེན་པ་ཐམས་ཅད་བཅིག་ཏུ་གསལ།། དུས་གསུམ་གཅིག་སྟེ་ཁྱད་པར་མེད།། ཡེ་ཤེས་བརྟགས་བྲལ་ཆེན་པོ་ལ།། རྟོག་དང་མི་རྟོག་ཅི་ཞིག་ནད།། ཞེན་པའི
177b4 རྟག་པ་མ་ལུས་པ།། རྡོ་རྗེ་རང་རིག་ལུང་གིས་གཅོད།། གཟེར་ཆེན་རང་བྱུང་གསང་བའི་དོན།། ཐམས་ཅད་ཕེབས་པས་གཡོ་བ་མེད།། དགོངས་པ་རང་བྱུང་གསང་བའི་ཐུགས།། འདི་དག་རང་རིག་ཡེ་ཤེས
177b5 ཏེ།། བསམ་བྲལ་དགོངས་པ་ཉིད་ལ་གནས།། མ་བཅོས་སེམས་ཉིད་གསང་བ་ནི།། གསང་བ་རིག་པ་མཉམ་དུ་སྐྱེས།། འོད་གསལ་རིག་པ་མཆོག་ཏུ་དག། དྲི་མེད་རང་བཞག་གསང་བའི་དོན།། ཚིག་ཏུ་མ་ཡིན་དོན
177b6 ལ་རྫོགས།། འདི་ནི་རང་བཞིན་མཆོག་གི་ཉམས།། རྣམ་རྟོག་མ་ཡིན་མི་རྟོག་མིན།། མི་གཡོ་རྣམ་དག་ཀུན་ཏུ་བཟང་།། བརྗོད་བྲལ་མཉམ་པའི་དོན་ལ་སྦྱོར།། ཉམས་མྱོང་རིག་པས་གསལ་བར་ཤེས།། ཤེས་འཇུག
iiif viewer powered by OpenSeadragon
