| e-texts navigator |
| Wylie |
177a1 བར་གོམས་པ་ཡིས།། ཤར་བས་འོད་གསལ་ཆེན་པོ་ཡིན།། གདོད་ནས་ལྷུན་གྲུབ་ཕྱོགས་མེད་ལ།། བཅོས་པས་རྣམ་རྟོག་འཁོར་བའི་ལམ།། བཙལ་མེད་མི་གཡོ་བདེ་མཆོག་འདི།། མ་བཙལ་རང
177a2 བཞིན་གཞག་པས་གོ། སེམས་ཉིད་དྲག་ད་ལ་གང་སྒོ་ནས།། དེ་ལྟར་མཐུན་པའི་ཐབས་ཀྱིས་བསྟན།། ཐུག་ཕྲད་ཤེས་པས་འདུ་འབྲལ་མེད།། གསང་བའི་རིག་པ་ཉམས་མྱོང་མེད།། ཇི་ལྟར་ཆུ་ལ་ཆུ་བཞིན
177a3 ནོ།། གསང་བ་ལམ་གྱི་དཔེ་བཞི་ལྟར།། གོམས་པས་ལྷུན་གྲུབ་ངོ་མཚར་འབྱུང་།། མ་བཙལ་ཉི་མའི་འོད་བཞིན་འཆར།། ཞེས་གསུངས་པ་ལས།། སེམས་དཔའ་རྡོ་རྗེས་ཞུས་པ།། གསང་བ་རང་བྱུང་རིག་པའི
177a4 ཉམས།། བརྗོད་བྲལ་རིག་པའི་ཆོས་དབྱིངས་ལ།། མ་ཡེངས་རིག་པ་རང་གཞག་པས།། དུས་གཅིག་རིག་པ་འོད་འབར་ལ།། ཡེ་ཤེས་གསང་བ་ཇི་ལྟར་བལྟ།། རང་བྱུང་རིག་པ་ཇི་ལྟར་མཐོང་།། ཞེས་ཞུས་སོ།། དེ
177a5 ནས་བཅོམ་ལྡན་འདས་ཀྱིས་བཀའ་སྩལ་པ། མ་ལུས་དགོངས་པ་གསང་བའི་ཉམས།། མཐའ་དབུས་མེད་པའི་སྙིང་པོ་འདི།། མ་བཙལ་གསང་བ་ཉམས་ཀྱིས་ཤེས།། ཡེ་ཤེས་རྫོགས་པར་གསལ་ལྡན་པས།། ཤེས་པ
177a6 གཡོ་བ་ཀུན་དང་བྲལ།། བཙལ་བྲལ་ཡེ་སངས་རྒྱས་པ་ནི།། ཤེས་པ་རྣམ་གྲངས་གང་སྐྱེས་པ།། དེ་དག་གསང་བར་མཉམ་པར་གསལ།། རྣམ་བྱང་ཤེས་པ་རང་གནས་པ།། ཡེ་ནས་མ་བཙལ་གྲུབ་པ་ཡིན།། ཡུལ་གྱི
iiif viewer powered by OpenSeadragon
