| e-texts navigator |
| Wylie |
176b1 འབྱོར་པས།། རིམ་པ་མེད་པར་དུས་གཅིག་སྨིན།། རྣམ་གྲོལ་ངེས་པའི་གདེང་མེད་པར།། སྤྱོད་པ་ཆགས་སྡང་མངོན་འཆིལ་བ།། ངན་འགྲོའི་གནས་སུ་འཁྱམས་པར་འགྱུར།། ཞེས་གསུངས་སོ།། རིན་ཆེན་ཀློང
176b2 དགུའི་རྒྱུད་ལས། སྤྱོད་པ་གསང་བ་ཀློང་གི་ལེའུ་སྟེ་དྲུག་པའོ།། །། དེ་ནས་སེམས་དཔའ་རྡོ་རྗེས།། དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད
176b3 ཀྱི།། རང་གཞག་རིག་པ་དགོངས་པའི་ཀློང་།། མ་ཡེངས་དྲན་གསལ་རིག་པའི་ཐུགས།། འདུས་པའི་ཚོགས་ལ་བཤད་དུ་གསོལ།། ཞེས་ཞུས་པ་ལས། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་རང་བཞག།
176b4 དགོངས་པའི་ཀློང་འདི་གསུངས་སོ།། དུས་གསུམ་རྒྱལ་བ་ཐུགས་ཀྱི་ཐུགས།། མ་བཅོས་ཐིག་ལེ་ཡེངས་པ་མེད།། གསང་བ་མི་གཡོ་རྣམ་པར་དག། ཇི་བཞིན་རང་བཞིན་རིག་པ་ལས།། དེ་མ་ཐག་ཏུ་གསལ་བར
176b5 འཆར།། རྣ་བརྒྱུད་ཐུགས་བརྟོལ་བདུད་རྩི་ཡིས།། རིག་པ་མངོན་སུམ་གསལ་བར་བསྟན།། མི་འབྱེད་རང་རིག་མཆོག་གི་ལུང་།། གསལ་ལ་མི་གཡོ་མཆོག་གིས་ཤེས།། འབྱུང་འཇུག་མི་གནས་དབྱིངས་ལ
176b6 གསལ།། རང་གསལ་ཇི་བཞིན་རྣལ་འབྱོར་ལ།། མཚན་མའི་སྒྲོ་སྐུར་ཀུན་དང་བྲལ།། ཚིག་དང་ཡི་གེ་ལས་འདས་ཤིང་།། སྙིང་པོ་འབྱེད་པ་གང་ཡང་མེད།། འཛིན་པའི་རྣམ་རྟོག་གང་ཡང་མིན།། མི་གནས་གསལ
iiif viewer powered by OpenSeadragon
