| e-texts navigator |
| Wylie |
175a1 མ་བཅོས་པ།། ནམ་མཁའ་རྡོ་རྗེ་གསང་བ་ལུང་།། འགྲོ་འདུལ་ཐབས་ཀྱི་སྤྱོད་པ་ཡིས།། མ་ངེས་དེ་ལྟ་ཉིད་དུ་བལྟ།། ལུས་ཀྱི་རྡོ་རྗེ་མ་བཅོས་པ།། ཆེད་དུ་སྤྱད་པ་གང་མི་བྱེད།། ཕྱག་དང་བསྐོར་བའི
175a2 ལས་མི་བྱེད།། ཕྱག་རྒྱས་བཅིང་བའི་ལས་མི་བྱའོ།། གང་ལྟར་བཞག་པ་དེ་ལྟར་བདེ།། མ་བཅིངས་གྲོལ་བ་གསང་བའི་ལུས།། མ་བཅོས་ཡལ་བ་ཉིད་དུ་བདེ།། ཐོགས་མེད་གསང་བའི་སྤྱོད་པ་ནི།། མ་བཅོས་གསང
175a3 བའི་ངང་ལ་སྤྱོད།། རང་བྱུང་ལུས་ཀྱི་སྤྱོད་པ་ལ།། ཡེངས་པ་མེད་པས་མ་བཅོས་སྤྱོད།། ཞེན་པའི་ངག་སོགས་གང་ཡང་མེད།། བཟླས་དང་ཁ་ཏོན་ལ་སོགས་པ།། བཅོས་མ་ཡིན་ཕྱིར་དེ་ཉིད་མིན།། ཞེན་པའི་ངག
175a4 བརྟགས་དག་རྟོགས་ན།། ཀུན་ཀྱང་བཟླས་པའི་ངོ་བོར་གནས།། ཟིན་དང་མ་ཟིན་སྒྲ་ཀུན་ནི།། རང་བྱུང་གསང་བའི་གསུང་དུ་གནས།། རང་བྱུང་གསང་བའི་མཚན་ཉིད་ནི།། རྡོ་རྗེ་སྒྲ་ཚིག་རྣམ་པར་སྤངས།། མ
175a5 བཅོས་གསང་བ་གསུང་གི་སྤྱོད་པར་བཤད།། བསམ་བྲལ་སྤྱོད་པའི་འདུ་ཤེས་སྤངས།། ཐ་དད་སྤྱོད་པའི་ཤེས་པ་ནི།། ཡེ་ཤེས་ཁྱབ་བརྡལ་ཀུན་ཏུ་བཟང་།། མ་བཅོས་གསང་བའི་སེམས་ཀྱིས་གནས།། རྒྱ་མཚོ་ཆེན
175a6 པོའི་རང་བཞིན་ལྟར།། འདུ་འཕྲོ་དབྱིངས་གཅིག་ངོ་མཚར་ཆེ།། གསང་བའི་ཐིག་ལེ་མ་བཅོས་སེམས།། རང་གསལ་ཉམས་མྱོང་གཅིག་ཏུ་ཟད།། རང་རིག་གསལ་བ་བདེ་བའི་ཉམས།། མ་བཙལ་རང་གཞག་རིག
iiif viewer powered by OpenSeadragon
