| e-texts navigator |
| Wylie |
174b1 བྲལ།། འགྱུར་མེད་རང་བྱུང་ཡེ་ཤེས་ལ།། བདེན་བརྫུན་མི་མངའ་དབྱིངས་ཉིད་གཅིག། གང་སྣང་མི་གནས་དབྱིངས་ཉིད་ལུང་།། ཆོས་སེམས་གཉིས་མེད་ཡེ་ཤེས་གསལ།། ཀུན་མཁྱེན་རིག་པ་མཉམ་དུ
174b2 ཤེས།། འཛིན་བྲལ་རིག་པ་འོད་གསལ་བས།། སྟོང་ཆེན་འོད་གསལ་ཡེ་ཤེས་ཡིན།། ཇི་ལྟར་སྣང་གྲགས་ཆོས་ཀུན་ནི།། གཉིས་མེད་གདོད་ནས་དག་པ་ལ།། ཡེ་ཤེས་མོས་པ་མ་འདྲེས་གསལ།། སྤྲོས་བྲལ་རང་བྱུང
174b3 རིག་པ་ལས།། རོལ་བའི་འཁོར་ལོ་ཡོངས་ཀྱི་འབྱུང་།། འོད་འབར་ཡེ་ཤེས་རྨད་པོ་ཆེ།། རང་གསལ་རིག་པའི་དོན་དུ་མཐོང་།། མ་འདྲེས་རང་གསལ་ཡེ་ཤེས་སོ།། སྙིང་པོ་སྤྲོས་བྲལ་ཐིག་ལེ་དྲུག། མི་འགྱུར་སྙིང་པོ
174b4 དོན་དུ་གནས།། མ་བཅོས་རང་གསལ་ཀུན་ཏུ་བཟང་།། གཉིས་མེད་རང་རིག་དམིགས་ཡུལ་གྲོལ།། མ་འགགས་མི་བསམ་ཅིར་མི་དགོངས།། ཞེས་གསུངས་སོ།། རིན་ཆེན་ཀློང་དགུའི་རྒྱུད་ལས། ཡེ་ཤེས་སྒྲིབ་པ
174b5 མེད་པའི་ལེའུ་སྟེ་ལྔ་པའོ།། །། དེ་ནས་སེམས་དཔའ་རྡོ་རྗེ་དེས།། དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་བ་བཏབ་བོ།། དུས་གསུམ་སངས་རྒྱས་ཐམས་ཅད་ཀྱི།། བླང་དོར་མེད་པའི
174b6 རང་བཞིན་དག། རྣམ་རྟོག་སྤོང་ལེན་མི་མངའ་བ།། འདུས་པའི་ཚོགས་ལ་གསལ་བར་གསུངས།། ཞེས་ཞུས་སོ།། དེ་ནས་དེ་བཞིན་གཤེགས་པས་སྤྱོད་པ་བླང་དོར་མེད་པའི་ཀློང་འདི་གསུངས་སོ།། སྒོ་གསུམ་རྡོ་རྗེ
iiif viewer powered by OpenSeadragon
