| e-texts navigator |
| Wylie |
174a1 པར་སྤྱད་པར་བྱ།། སྒོམ་དང་གོམས་དང་བཏང་སྙོམས་ཀྱིས།། རང་ཉམས་གསང་བའི་རིག་པ་སྦྱར།། དེ་དག་གོམས་ཟིན་མངོན་གྱུར་པས།། ལྷུན་གྲུབ་གསུམ་དུ་རྫོགས་པ་ཡིན།། བྱང་ཆུབ་སེམས་ཀྱི
174a2 ངོ་བོ་ནི།། བསམ་པ་འདུལ་བའི་ཁྱད་པར་དུ།། ཡེ་ཤེས་གྲངས་སུ་མཐུན་པར་བསྟན།། ཀུན་ཀྱང་རང་བྱུང་གསང་བའི་དབྱིངས།། རང་བྱུང་རོལ་པ་དུས་གཅིག་གསལ།། རིམ་པ་མ་ཡིན་གདོད་ནས་རྫོགས།། ཉི་མ
174a3 ཤར་བའི་འོད་དང་མཚུངས།། གྲངས་མེད་གསང་བའི་ཡེ་ཤེས་ནི།། མཐའ་དབུས་གྲངས་ཀྱི་ཆོས་དང་བྲལ།། གསང་བ་ཁུ་བྱུག་ཀློང་དགུའི་རྒྱུད།། དུས་གཅིག་བསྟན་པ་ཉིད་ཀྱི་ལུང་།། སྒྲོ་སྐུར་བྲལ་བའི་བསྟན་པ
174a4 རྫོགས།། རང་རིག་གསལ་བ་རིག་པའི་ཉམས།། རིག་པ་འཕོ་འགྱུར་མེད་པའི་གཏེར།། ཀུན་འདུས་སྙིང་པོ་མཆོག་གི་ལུང་།། མ་བརྗོད་གོ་བར་རིག་པའི་གསུང་།། བསྟན་པའི་མེ་ལོང་ཐུགས་ལ་གསལ།། རང་བྱུང
174a5 གསང་བའི་བརྡ་དོན་མ་སྤྲད་ན།། བདེ་ཆེན་རང་གསལ་དོན་དང་ཤིན་ཏུ་འགལ།། ཆོས་སྐུ་མ་བཅོས་སྙིང་པོ་ནི།། ཡེ་ཤེས་གསང་བ་འདུ་འབྲལ་མེད་པར་བརྗོད།། རང་རིག་གསང་བ་ལྷུན་གྲུབ་པས།། མཐོ་དམན་ཆ
174a6 ཆུང་ཡོངས་ཀྱི་མེད།། རང་རིག་བདག་གཞན་མི་གནས་པས།། འཛིན་བྲལ་ཡེ་ཤེས་ཀུན་བདག་ཉིད།། ནམ་མཁའ་ལྟ་བུའི་ཆོས་ཉིད་ནི།། སྣང་སྲིད་བྱང་ཆུབ་སེམས་སུ་གཅིག། ཞེན་བརྟགས་འཇིག་རྟེན་ཆོས་དང
iiif viewer powered by OpenSeadragon
