| e-texts navigator |
| Wylie |
173b1 མེད།། མཉམ་ཉིད་ཡེ་ཤེས་ཆེ་ཆུང་མེད།། མེ་ལོང་གསལ་ལ་རྟོག་པ་མེད།། སོ་སོར་རྟོག་པ་མ་འདྲེས་པ།། བྱ་བ་གྲུབ་པ་མཐར་ཕྱིན་པ།། མཁྱེན་པའི་ཡེ་ཤེས་ཉག་གཅིག་ལ།། ཡོན་ཏན་ཆ་རེ་གྲངས་སུ་བསྟན།། སྣང
173b2 སྲིད་སྣོད་བཅུད་རང་བཞིན་ནི།། བྱང་ཆུབ་སེམས་སུ་མངོན་སངས་རྒྱས།། ཀུན་གྱི་རང་བཞིན་བདག་ཡིན་པས།། ཐམས་ཅད་བྱང་ཆུབ་སེམས་སུ་གསལ།། མི་རྟོག་བརྡ་འཇལ་གསང་བའི་ཐུགས།། ལྡན་པ་དེ་ཉིད
173b3 ཙམ་དུ་ཟད།། རྫོགས་པའི་ཡེ་ཤེས་དུས་གཅིག་གོ། ཡེ་གསལ་རིག་པ་ཕྱོགས་མེད་གསལ།། འཛིན་བྲལ་རིག་པ་དབྱིངས་ལ་བཞུགས།། སྣང་སྲིད་ཆོས་རྣམས་མི་ཤེས་པས།། སྣང་བ་མ་བཅོས་རང་བཞིན་ཡིན།། དེ
173b4 དག་མ་ཡིན་ཐམས་ཅད་ཡིན།། ཕྱོགས་བྲལ་གསལ་བའི་ཡེ་ཤེས་ཡིན།། བསམ་ཞིང་མི་སྤྱད་ལེགས་པ་ཡིན།། འཛིན་ཆགས་མེད་པར་རང་སྣང་བ།། རོལ་པ་ཉིད་དུ་ཤེས་པར་བྱ།། ཡེ་ཤེས་རྒྱུ་བའི་དུས་ཉིད
173b5 དང་།། རྣམ་རྟོག་རྒྱུ་བའི་དུས་ཉིད་དང་།། བཏང་སྙོམས་དུས་དང་རང་བཞིན་དུས།། ངེས་པར་བརྟགས་ཏེ་ཤེས་པར་བྱ།། དེ་དག་ལེགས་པར་ཤེས་པ་ལས།། གསང་བའི་ཡེ་ཤེས་རང་བཞིན་འཆར།། དགོངས་པ
173b6 གསང་བ་རང་བྱུང་བ།། རྡོ་རྗེ་རིག་པའི་ཀློང་ལ་གསལ།། རྡོ་རྗེ་ཉི་མ་ཕྱོགས་མེད་གསལ།། བརྡ་སྤྲད་དུས་དང་ཕྲད་པའི་དུས།། ཕྲལ་དང་ཀླུང་ཞུགས་དུ་ཉིད་ཀྱིས།། གང་ལ་དེ་ལྟར་མཚན་པ་ཡི།། སྤྱོད་པ་ལེགས
iiif viewer powered by OpenSeadragon
