| e-texts navigator |
| Wylie |
173a1 རྒྱུད་ལས། དཀྱིལ་འཁོར་ཆེན་པོའི་ཀློང་གི་ལེའུ་སྟེ་བཞི་པའོ།། །། དེ་ནས་སེམས་དཔའ་རྡོ་རྗེ་ལ།། དེ་བཞིན་གཤེགས་པ་རྡོ་རྗེ་སེམས་དཔས་ཡེ་ཤེས་སྒྲིབ་པ་མེད་པའི་ཀློང་འདི་གསུངས
173a2 སོ།། ཡེ་ཤེས་གསང་བའི་རང་བཞིན་ནི།། མ་རིག་ཡེ་ཤེས་གཉིས་མེད་གཅིག། རང་གསལ་རིག་པའི་ཐུགས་སུ་གཅིག། གཉིས་མེད་སེམས་ཀྱི་ཡེ་ཤེས་ལ།། གྲངས་དང་རྣམ་པ་བགྲང་དུ་མེད།། བགྲང་ན་མཐའ་ཡས
173a3 བརྗོད་མི་ལང་།། གདོད་ནས་རང་བྱུང་ཡེ་ཤེས་པས།། རྒྱུ་དང་རྐྱེན་ལས་རག་མ་ལས།། རང་རིག་ཉིད་པས་གཞན་དང་བྲལ།། རང་གསལ་ཉིད་པས་ཡུལ་དང་བྲལ།། ཡེ་ནས་ཤེས་པས་ཡེ་ཤེས་ཡིན།། རང་གསལ
173a4 རིག་པའི་ངོ་བོ་ལ།། གཉིས་དང་ཐ་དད་མི་གནས་ཏེ།། རྣམ་པར་བརྟགས་པའི་དབང་གིས་ན།། ཇི་ལྟར་བརྟགས་པ་བཞིན་དུ་མཐོང་།། ཡེ་ནས་དམིགས་འཛིན་ཞེས་པའི་ཕྱིར།། གང་དང་གང་དུ་ཅི་བྱུང་བ།། དེ་ཡི
173a5 རྣམ་གྲངས་ཉིད་ཡིན་པས།། དེ་ལས་གཞན་པ་རྣམ་པར་བཅད།། མ་སྐྱེས་འཁོར་ལོ་མཉམ་དུ་གསལ།། རང་གསལ་རིག་པ་མ་ཡིན་པ།། མཚན་མ་དམིགས་པ་ཀུན་དང་བྲལ།། ཕྱོགས་རིས་མེད་པའི་ཡེ་བརྡལ
173a6 བས།། མཚན་བྲལ་དབུ་མའི་ལམ་པོ་ཆེ།། དཔེ་ནི་ནམ་མཁའ་ལྟ་བུ་སྟེ།། མཐའ་དང་དབུས་མེད་དེ་བཞིན་ཉིད།། མ་བཙལ་རང་བྱུང་རྒྱལ་པོ་ལ།། ཤེས་དང་མི་ཤེས་ཀུན་དང་བྲལ།། ལྷུན་གྲུབ་ཡེ་ཤེས་ཕྱོགས་རིས
iiif viewer powered by OpenSeadragon
