| e-texts navigator |
| Wylie |
172b1 བ་ཡིས།། གང་ལྟར་བརྟགས་པ་ལོག་པའི་ལམ།། འདོད་པའི་དངོས་པོ་གང་མཐོང་ཚོར།། འོད་གསལ་དཀྱིལ་འཁོར་ཉིད་དུ་ཤེས།། ཀུན་འབྱུང་མཐའ་དབུས་ཀུན་བྲལ་ལ།། བློ་ཡི་འཇུག་ཚུལ་ཅིར་མ་བརྟགས།། རྡོ
172b2 རྗེ་ནམ་མཁའ་གསང་བའི་སེམས།། རང་རིག་འོད་གསལ་རྣམ་པར་དག། ཆོས་རྣམས་ཀུན་གྱི་རང་བཞིན་དུ།། རང་བྱུང་རིག་པའི་རྒྱལ་པོ་ཤར།། ཆོས་དབྱིངས་འགྱུར་མེད་དབྱིངས་ཀྱི་ལུང་།། དངོས་བསམ་ཇི་བཞིན
172b3 བཞག་པས་རྟོགས།། རྣམ་རྟོག་དཀྱིལ་འཁོར་གྲངས་མེད་པས།། འཐུན་འཇུག་ངོ་ལ་དེ་ལྟར་གསལ།། རང་གསལ་རིག་པར་ཤུགས་ཀྱིས་གཅིག། ཆོས་ཀུན་གསང་བའི་རང་བཞིན་པས།། ཀུན་གྱིས་མཐོང་ཐོས་ཡུལ
172b4 དང་བྲལ།། གཉིས་མེད་རིག་པ་ཅིག་ལ་ཐིམ།། གསལ་འགྱུར་མི་དམིགས་དོན་གྱིས་ཤེས།། མ་ཡེངས་བསམ་བྲལ་རིག་པའི་ཀློང་།། མི་བསམ་མི་བཤད་ཆོས་ཀྱི་དབྱིངས།། ཤེས་རིག་ཡེ་ཤེས་ཉིད་དུ་འཆར།། དྲན་པ
172b5 ཀུན་སྤངས་ཡེ་ཤེས་ཉིད།། མི་འབྱེད་བློ་ཉིད་གསང་བའི་སེམས།། ཆོས་ཅན་མ་ཡིན་ཆོས་ཉིད་མིན།། ཅི་ཡང་མ་ཡིན་འོད་གསལ་ཡིན།། མཐའ་ཡི་འདུ་ཤེས་ཀུན་བྲལ་ཏེ།། ཏིང་འཛིན་རིག་པ་གསལ་བའི
172b6 ཉམས།། གསལ་ལ་འབྱུང་འཇུག་མེད་པ་ནི།། དེ་བཞིན་ཉིད་ཀྱི་རྣལ་འབྱོར་རོ།། རིན་ཆེན་གསང་བའི་དཀྱིལ་འཁོར་འདི།། ཀུན་ལ་ཁྱབ་པའི་ཚུལ་གྱིས་གནས།། ཞེས་གསུངས་སོ།། རིན་ཆེན་ཀློང་དགུ་གསང་བའི
iiif viewer powered by OpenSeadragon
