| e-texts navigator |
| Wylie |
172a1 དྲི་མེད་ཇི་བཞིན་ཏེ། ཁྱད་པར་ཉམས་མྱོང་གསལ་འཛིན་མེད།། གཞོན་ནུའི་བདེ་བའི་ཉམས་མྱོང་ལྟར། ཁྱབ་པར་གསལ་ལ་དམིགས་དང་བྲལ།། རང་བྱུང་བརྗོད་བྲལ་གསང་བའི་ཉམས།། བརྗོད
172a2 པས་མ་ཡིན་གོམས་པས་ཤེས།། དཔེར་ན་མྱོང་བའི་རང་བཞིན་ལྟར།། ཚིག་ཏུ་མ་ཡིན་དོན་ལ་རྫོགས།། བཏང་བཞག་བྲལ་བའི་རིག་པ་ནི།། བསམ་བྲལ་རིག་པའི་དཀྱིལ་འཁོར་ཡིན།། དེ་བཞིན་ཉིད་དབྱིངས
172a3 གསང་བ་ཡིས།། བདེ་མཆོག་ཡེ་ཤེས་དཀྱིལ་འཁོར་བས།། མཐའ་དབུས་ཆེ་ཆུང་ཡོངས་ཀྱི་མེད།། བསྐྱེད་བྲལ་གསང་བའི་དཀྱིལ་འཁོར་ལ།། ཡེ་ནས་སྐུ་གསུམ་ལྷུན་གྱིས་རྫོགས།། ནམ་མཁའ་མི་འགྱུར་རྟག་པ
172a4 ལྟར།། བདེ་མཆོག་རྟག་ཆེན་མཆོག་གི་སྐུ།། གསང་བ་ངོས་གཟུང་མི་མངའ་ཡང་།། བསམ་དབང་འདུལ་ཐབས་མཚོན་དགོས་པས།། ཐུན་མོང་ཁྱད་པར་སྣ་ཚོགས་པས།། ཡེ་ཤེས་ངོས་གཟུང་མན་ངག
172a5 བཤད།། གསང་སྔགས་རྡོ་རྗེ་ཐབས་ཀྱི་ལུང་།། ཡེ་ཤེས་གསང་བ་མཚོན་པའི་ཐབས།། མ་ཡིན་དེ་དག་ཡོད་མ་ཡིན།། ཕྱོགས་མེད་རང་གསལ་དཀྱིལ་འཁོར་ལ།། ཡེངས་པ་མེད་པའི་སེམས་ཀྱིས་འཇུག། རང་བྱུང
172a6 རིག་པའི་ལྟ་བ་ནི།། མཐའ་བྲལ་དབུ་མ་དྲང་པོའི་ལམ།། མཚན་བྲལ་དབྱིངས་ཉིད་གསང་བ་ལ།། རང་རྟགས་ལོག་པའི་བསམ་པ་ཡིས།། བསྐྱེད་བསྒྲུབ་དཀྱིལ་འཁོར་ལོག་པའི་ཆོས།། ཕྱོགས་འཛིན་ལོག་པའི་རྩོལ
iiif viewer powered by OpenSeadragon
