| e-texts navigator |
| Wylie |
171b1 ལྟར།། རང་བྱུང་རིག་པ་མཆོག་ཏུ་གསལ།། མ་བསྐྱེད་དཀྱིལ་འཁོར་ཡེ་ནས་རྫོགས།། འཇུག་པ་གསང་པར་མཉམ་སྦྱོར་བ།། འདུ་འབྲལ་མེད་པའི་དབྱིངས་ལ་གསལ།། རང་བྱུང་གསང་བའི་དགོངས་པས
171b2 གནས།། སྤྱན་དྲངས་མ་ཡིན་ཡེ་ནས་གནས།། རང་བྱུང་གཡོ་མེད་དཀྱིལ་འཁོར་ལས།། ཐུགས་རྗེའི་བྱིན་རླབས་འོད་ལྟར་འཕྲོ།། ཐུགས་རྗེའི་བྱིན་རླབས་འགྲོ་འོད་མེད།། འགྲོ་ལྔ་མ་བསྒྲལ་ཡེ་ཤེས་ཀློང་།། ཡེ་ཤེས
171b3 ཀློསློང་རྫོགས་དཀྱིལ་འཁོར་ནི།། ཐིག་ལེ་ཀློང་རྫོགས་བརྡལ་བ་ཡི།། སྙིང་པོ་རང་བྱུང་ཐིག་ལེ་བས།། ཐིག་ལེ་ཉིད་ལ་ཐིག་ལེ་རྫོགས།། བསམ་བྲལ་རིག་པའི་དཀྱིལ་འཁོར་ལ།། རང་བཞག་མ་བཅོས་དགོངས་པས
171b4 གནས།། སྐལ་ལྡན་རིག་པས་ཁྱད་པར་དུ།། དགོངས་པ་ཀློང་བརྡལ་ཐུགས་སུ་གསལ།། ཅིར་སྣང་སེམས་སུ་ལྷུན་རྫོགས་པས།། རང་རིག་གསང་བའི་དཀྱིལ་འཁོར་ཡིན།། དེ་དག་གོམས་རྟགས་མཚན་ཉིད་ནི།། མ
171b5 བཙལ་ཀླུངས་སུ་ཞུགས་པས་རྟོགས།། རང་རིག་གསང་བའི་ཉམས་མྱོང་ཡང་།། རྗེས་འཛིན་རྣམ་རྟོག་ཀུན་དང་བྲལ།། རང་གསལ་བློ་ལ་ཡེ་གནས་པ།། འཇུག་དང་འབྱུང་བའི་རྩོལ་བ་མེད།། མཉམ་ཉིད་གསང་བའི
171b6 དཀྱིལ་འཁོར་ནི།། རྡོ་རྗེ་གསང་བའི་དུས་ཀྱིས་ཤེས།། རྐྱེན་བྲལ་རིག་པ་རང་གསལ་ལ།། དྭངས་མ་ཡིན་པས་རྙོག་མ་མེད།། རང་བཞིན་ཆེད་དུ་བྱས་པ་དང་།། བཏང་སྙོམས་བྲལ་བའི་དངས་མ་ནི།། མཁའ་གསལ
iiif viewer powered by OpenSeadragon
