| e-texts navigator |
| Wylie |
171a1 སོ།། དེ་ནས་དེ་བཞིན་གཤེགས་པས་བཀའ་སྩལ་པ། དུས་གསུམ་རྒྱལ་བ་ཐམས་ཅད་ཀྱི།། དཀྱིལ་འཁོར་གསལ་བའི་རང་བཞིན་ནི།། ནམ་མཁའ་བཞིན་དུ་ཁྱབ་པར་བདལ།། རང་བྱུང་རྫོགས་པའི
171a2 དཀྱིལ་འཁོར་དུ།། མ་རྫོགས་པ་ཡི་ཆོས་མི་གནས།། སྙིང་པོ་འོད་འབར་ཐིག་ལེ་ལ།། སྐུ་གསུང་ཐུགས་ཀྱི་དཀྱིལ་འཁོར་རྫོགས།། ཀུན་འབྱུང་རིག་པའི་དཀྱིལ་འཁོར་ལ།། མཐའ་དབུས་ཞེན་པའི་བརྟགས་པ
171a3 མེད།། རང་རིག་གསང་བ་མཆོག་གི་ཉམས།། བརྗོད་བྲལ་རིག་པའི་དོན་ལ་རྫོགས།། རང་བྱུང་མཆོག་གི་སྙིང་པོ་ནི།། འདུ་ཤེས་བྲལ་ལ་རིག་པས་གནས།། ཆོས་རྣམས་ཀུན་གྱི་ངོ་བོར་ཤར།། རང་བྱུང་རྫོགས་པའི
171a4 དཀྱིལ་འཁོར་དུ།། མ་རྫོགས་པ་ཡི་ཆོས་མི་གནས།། སྙིང་པོ་འོད་འབར་ཐིག་ལེ་ལ།། སྐུ་གསུང་ཐུགས་ཀྱི་དཀྱིལ་འཁོར་རྫོགས།། ཀུན་འབྱུང་རིག་པའི་དཀྱིལ་འཁོར་ལ།། མཐའ་དབུས་ཞེན་པའི་རྟགས་པ
171a5 མེད།། རང་རིག་གསང་བ་མཆོག་གི་ཉམས།། བརྗོད་བྲལ་རིག་པའི་དོན་ལ་རྫོགས།། རང་བྱུང་མཆོག་གི་སྙིང་པོ་ནི།། འདུ་ཤེས་བྲལ་ལ་རིག་པས་གནས།། ཆོས་རྣམས་ཀུན་གྱི་ངོ་བོ་ཤར།། མཚན་མ་རིག་པས
171a6 མཚོན་དུ་མེད།། མ་སྐྱེས་རིག་པའི་དཀྱིལ་འཁོར་ལ།། མཐའ་དབུས་བྲལ་བའི་རྩོལ་བ་མེད།། སྐུ་གསུང་རིག་པའི་འཁོར་ལོ་ཅན།། བསམ་སྦྱོར་བློ་ཡིས་རྗེས་སུ་དཔགས།། མ་འཕྲོས་ཉི་ཟླའི་དཀྱིལ་འཁོར
iiif viewer powered by OpenSeadragon
