| e-texts navigator |
| Wylie |
170b1 གྲོལ་རྫོགས་པ་ལ།། མ་བཙལ་ལྷུན་གྱིས་གྲུབ་པར་གནས།། རང་བྱུང་གསང་བའི་མེ་ལོང་ལ།། ཕྱོགས་མེད་གསལ་བའི་གཟུགས་བརྙན་འཆར།། མ་བསྒྲིབས་རིག་པ་འོད་གསལ་ལ།། རང་བཞག་སྙིང་པོར་རང
170b2 བཞིན་རྟོགས།། རང་བྱུང་གསང་བའི་སྙིང་པོ་ལ།། གསལ་བར་ཤེས་ཤིང་གོམས་པར་རྟོགས།། རང་རིག་མཆོག་གི་སློབ་དཔོན་གྱིས།། མ་བསླབས་མཁྱེན་པ་དུས་གཅིག་རྫོགས།། མཁའ་གསལ་རིག་པའི་རྗེས་མི
170b3 འབྲང་།། བསམ་སྤྱོད་དགོངས་པ་ཀུན་གྱི་ལུང་།། རྒྱལ་བའི་དགོངས་པ་ཡེ་ཤེས་ཉིད།། འབྱུང་འཇུག་སྤངས་པའི་ཚུལ་གྱིས་ནི།། རང་བྱུང་གསང་བའི་ཚུལ་གྱིས་གསལ།། རང་བྱུང་རིག་པ་རང་ཤར་བ།། ཡེ་ཤེས་སྣང
170b4 བའི་མཚན་ཉིད་ནི།། རང་བྱུང་ཀློང་གི་དགོངས་པ་ཡིན།། གསལ་བ་རང་བྱུང་རྫོགས་པ་ལ།། གཉིས་མེད་རིག་པའི་ཐིག་ལེར་གསལ།། སྤྲོས་པའི་མཚན་མ་ཀུན་གྱིས་གསལ།། རྩོལ་བའི་རྣམ་གྲངས་གང་སྣང
170b5 ཡང་།། རང་བྱུང་སེམས་ལས་གཞན་མ་ཡིན་ཅེས་གསུངས་སོ།། རིན་ཆེན་ཀློང་དགུའི་རྒྱུད་ལས།། ལྟ་བའི་ཀློང་གི་ལེའུ་སྟེ་གསུམ་པའོ།། །། དེ་ནས་སེམས་དཔའ་རྡོ་རྗེ་དེས། དེ་བཞིན་གཤེགས་པ་རྡོ་རྗེ
170b6 སེམས་དཔའ་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། གསང་བའི་འཁོར་ལོ་བསམ་མི་ཁྱབ།། སྐུ་གསུང་ཐུགས་ཀྱི་རང་བཞིན་ནི།། བདག་ལ་གསལ་བར་གསུང་དུ་གསོལ།། ཞེས་ཞུས
iiif viewer powered by OpenSeadragon
