| e-texts navigator |
| Wylie |
170a1 ལ།། འཛིན་དང་ཞེན་པ་ཀུན་གྱིས་སྟོང་།། རང་བྱུང་དག་པའི་དབྱིངས་ལ་གསལ།། འབྱུང་འཇུག་ཡུལ་དང་དབང་པོས་སྟོང་།། གསང་བའི་རང་བྱུང་ཤེས་པ་ཉིད།། རང་བྱུང་རིག་པ་མཆོག་གིས
170a2 ཤེས།། གསང་བའི་ཐིག་ལེ་ཉི་མ་ཤར།། རང་གསང་སྙིང་པོ་དོན་ལ་དགོངས།། རིག་པ་འོད་འབར་མཆོག་ལ་གནས།། གསང་བ་རིག་པ་གཏེར་ལ་གོམས།། རྡོ་རྗེ་གསང་བ་ལུང་གིས་ཤེས།། རྡོ་རྗེ་སྙིང་པོ་བྱང་ཆུབ
170a3 ལུང་།། རིག་པའི་དོན་ལ་དེ་མ་ཐག། མ་བཙལ་རིག་པའི་ཡེ་ཤེས་ཉིད།། རྒྱུ་རྐྱེན་བྲལ་བས་རང་བཞིན་གསལ།། རྟོགས་ཏེ་རང་བྱུང་གསལ་བ་ཤེས།། དམིགས་གསལ་བྲལ་བའི་དབྱིངས་ལ་འཇུག། གསང་བ་རང
170a4 རིག་ལུང་གིས་རྟོགས།། གཉིས་མེད་རིག་པ་གཅིག་ཏུ་འབར།། རྒྱུ་བ་རིག་པའི་མངོན་སུམ་ལུང་།། དྲན་རྟོག་མ་ཡིན་སྙིང་པོར་རྫོགས།། རང་བྱུང་རིག་པའི་ཐིག་ལེར་འབྲེལ།། རྩ་བྲལ་སྙིང་པོར་དེ་མ་ཐག། བྱང་ཆུབ
170a5 མཆོག་གི་སྙིང་པོར་འབྱུང་།། རང་བྱུང་རིག་པ་མ་ཡིན་པ།། གང་ཡང་མི་གནས་དྲན་རྟོག་སྤངས།། བསམ་བྲལ་རིག་པའི་སྒྲ་ཚིག་གིས།། བརྗོད་བྲལ་ཆོས་ཀྱི་དབྱིངས་ཉིད་བཤད།། ཅི་ཡང་རུང་བའི་མཚན་ཉིད
170a6 ནི།། རང་གི་རང་བཞིན་གསལ་བར་ཤེས།། ཇི་ལྟར་གནས་པའི་རྣལ་འབྱོར་པས།། མཚན་མའི་བརྡ་བྲལ་མངོན་སུམ་རིག། རྒྱུ་མཚན་རྣམ་རྟོག་ཀུན་དང་བྲལ།། མི་གནས་ཁྱབ་པའི་རང་བཞིན་ནི།། གདོད་ནས་རྣམ
iiif viewer powered by OpenSeadragon
