| e-texts navigator |
| Wylie |
16b1 པའོ།། །། རྒྱ་གར་སྐད་དུ། བོ་དྷི་ཙི་དྷ་མ་ཧཱ་སན་དྷི་ཛྙཱ་ན་གུ་ཧྱ་ཤི་ཏན་ཏྲ་པྲ་ཀ་ས་ཀོ་དྷི་ས་མ་དྷ་ནཱ་མ། བོད་སྐད་དུ། བྱང་ཆུབ་ཀྱི་སེམས་རྫོགས་པ་ཆེན་པོ་ཡེ་ཤེས་གསང་བ་བཤད་པའི་རྒྱུད་གསལ་བ་མཐའ་དང
16b2 མཉམ་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བཤད་པའི་དུས་ན། སྟོན་པ་བསྟན་པ་གནས་འཁོར་དུས།། ངོ་མཚར་ཆེན་པོ་ཨ་ལ་ལ།། སྟོན་པ་ཀུན་རིག་རྒྱལ་པོ་ཡིས།། འོག་མིན
16b3 རིག་པའི་གཞལ་ཡས་སུ།། བསྟན་པ་ཨ་ཏི་ཡོ་ག་འདི།། གནས་ལུགས་སྟོང་པ་ཀུན་འབྱུང་འཁོར།། འཛིན་པ་སྡུག་བསྔལ་འཁོར་བའི་འཁོར།། ཡེ་ཤེས་རྣམ་དག་གྲོལ་བའི་འཁོར།། གནས་ལུགས་འཁོར་ལུགས་གྲོལ
16b4 ལུགས་གསུམ།། དུས་གསུམ་རྟོགས་པའི་དུས་གཅིག་ན།། ཡིད་དང་ཆོས་ནི་ཀུན་ཏུ་བཟང་།། འབྱུང་བ་ལྔ་ནི་ལྷ་མོར་ཤར།། ཕུང་པོ་ལྔ་ནི་རྫོགས་སངས་རྒྱས།། རྣམ་ཤེས་ཚོགས་བརྒྱད་སེམས་དཔར་གྲོལ།། ཡུལ
16b5 བརྒྱད་སེམས་མར་རྟོགས་པས་སུ།། ཀུན་རྫོབ་ཡེ་ཤེས་སྒྱུ་མ་ལ།། འཇིག་རྟེན་བརྟན་གཡོ་ལ་སོགས་པ།། སྣང་བ་ཉིད་ན་ངོ་བོས་སྟོང་།། སྟོང་དང་མི་སྟོང་མཐའ་མ་རེག། དེ་ཀུན་ཆོས་སྐུ་ཆེན་པོ་ཡིན།། རྣལ་འབྱོར
16b6 རྣམ་པ་བཞི་དག་དང་།། དུས་གསུམ་སངས་རྒྱས་ཐམས་ཅད་ཡང་།། ང་ཡི་རང་བཞིན་རྟོགས་པ་ལ།། ང་འབྱེད་པ་མི་མངའ་བའི་ཐུགས་རྗེ་ཐབས་ཅིག་ཏུ་བཞུགས་སོ།། དེའི་ཚེ་དེའི་དུས་ན་ལྷའི་དབང་པོ་བརྒྱ་བྱིན
iiif viewer powered by OpenSeadragon
