| e-texts navigator |
| Wylie |
169b1 དག་པ་ལ།། གཞན་བྱུང་རྒྱུ་རྐྱེན་ནོར་བའི་ལམ།། ཀུན་གྱི་མཉམ་ཉིད་གསང་བ་ལ།། སྒྲོ་སྐུར་ཕྱོགས་བལྟས་མཐོང་བ་མེད།། གསང་བ་རྒྱུ་འབྲས་དག་པ་ལ།། དེ་དག་མཚན་མ་འཁོར་བའི་ལམ།། ཕྱོགས་འཛིན་ཞེན
169b2 པའི་སྒྲ་ཚིག་གིས།། ཞེན་པའི་ངག་སོགས་གཏན་ཚིགས་ཀྱིས།། བྱིས་པས་མཐའ་བྲལ་ལྟ་བ་ལྟར།། དེ་དག་རིག་པའི་གཏན་ཚིགས་མིན།། གཉིས་མེད་གསང་བའི་རང་བཞིན་ལ།། ཞེན་པའི་ཐ་སྙད་བརྗོད་དུ
169b3 མེད།། གསང་བའི་ཡང་གསང་དགོངས་པ་ནི།། བྱ་བྲལ་རིག་པ་བརྫོགས་ལུང་ལ།། རང་ཟད་བློ་ཡིས་ཡུལ་མ་ཡིན།། རྒྱུད་དག་རིག་པས་མི་མཐོང་ཞིང་།། རང་བྱུང་རྫོགས་པ་མཆོག་གིས་ཤེས།། འདི་ལྟར་གསང
169b4 བའི་རང་བཞིན་འདི།། ལུང་དང་མན་ངག་ཉམས་ཀྱིས་ནི།། བརྗོད་བྲལ་གསང་བའི་དོན་ཡིན་ཀྱང་།། བརྗོད་པའམ་གསང་བའི་ཚུལ་གྱིས་བཤད།། རང་རིག་གསང་བའི་ཉམས་ཀྱིས་གོ། རྡོ་རྗེ་གསང་བའི་ལུང་གིས
169b5 ཤེས།། ངེས་པའི་རིག་པ་ཐེ་ཙོམ་བྲལ།། གསང་བའི་མེ་ལོང་རང་གསལ་ལ།། བཅོས་མེད་རང་བཞག་ཚུལ་གྱིས་བལྟ།། རང་གསལ་རྫོགས་པའི་ལྟ་བ་ནི།། ཅི་ཡང་ཡིན་ནོ་གང་ཡང་རུང་།། སེམས་ཉིད་གསང་བར
169b6 ལྷུན་གྱིས་རྫོགས།། མ་བཅོས་རིག་པ་ལྷུན་རྫོགས་ལ།། མ་སྤྱད་རང་གཞག་དགོངས་པས་གཞག། རང་བྱུང་རྫོགས་པའི་ལྟ་བ་ལ།། མཚན་མའི་གཟའ་གཏད་ཀུན་དང་བྲལ།། ཡུལ་མེད་རིག་པ་རང་གསལ
iiif viewer powered by OpenSeadragon
