| e-texts navigator |
| Wylie |
169a1 རྫོགས་པའི་རང་བཞིན་ལ།། ཐ་དད་རྟགས་པ་ཀུན་གྱིས་སྟོང་།། གཅིག་པོ་ཀུན་གྱི་སྙིང་པོ་ཉིད།། མ་ཟིན་པ་ཡི་ཆོས་རྣམས་མེད།། རྫོགས་པའི་ཡེ་ཤེས་མ་བཅོས་པ།། རང་གསལ་སྙིང་པོ་དོན་དུ
169a2 མཐོང་།། གཅིག་སྟེ་རྣམ་པ་མི་གནས་པས།། དག་པའི་ཡེ་ཤེས་གཏི་མུག་པས།། རང་བྱུང་གསང་བའི་སྙིང་པོ་ལ།། རྣམ་པར་དབྱེ་བའི་ཆོས་མི་གནས།། བསམ་བྲལ་རིག་པའི་དཀྱིལ་འཁོར་ལ།། མ་བཅོས་རིག་པའི
169a3 སྟོབས་ཀྱིས་གསལ།། མ་བཅོས་རང་བྱུང་རོལ་པ་ལ།། རྣམ་རྟོག་མཐའ་ཡི་ཞེན་པ་མེད།། རང་གསལ་དྲི་མེད་དག་པ་ལ།། མཐའ་ཡི་སྒྲིབ་པ་ཀུན་དང་བྲལ།། བྱ་བསམ་གཉེན་པོ་ཀུན་བྲལ་བ།། འཛིན་བྲལ་སྙིང་པོ
169a4 རང་བྱུང་ཡིན།། ཡེ་ཤེས་གསལ་བའི་རང་བཞིན་ནི།། གཉིས་མེད་སེམས་ལས་གཞན་པ་མེད།། རང་བྱུང་མཐའ་གསལ་ཐིག་ལེར་དག། མཐའ་དབུས་མེད་པའི་དེ་བཞིན་ཉིད།། བཅོས་པ་མ་ཡིན་རང་བཞིན
169a5 གསལ།། སྦྱངས་པ་མ་ཡིན་གདོད་ནས་དག། ཀུན་འདུས་རྫོགས་པའི་སེམས་ཉིད་ཀློང་།། གདོད་ནས་སྤྲོས་མེད་སྙིང་པོར་གནས།། རང་གསལ་སྒྲིབ་མེད་ཆོས་ཀྱི་དབྱིངས།། གཉིས་པ་མེད་དོ་ཡེ་སངས་རྒྱས།། མ
169a6 བཅོས་གསང་བའི་རང་བཞིན་འདི།། ཕྱོགས་བྲལ་མཁའ་ལྟར་ཁྱབ་པར་བད་ལ།། ཚིག་དང་ཡི་གེ་ལས་འདས་པས།། མཚོན་བྲལ་ཆོས་དབྱིངས་གསང་བ་ལ།། ཇི་ལྟར་བརྟགས་པ་ཕྱིན་ཅི་ལོག། རང་གསལ་སྙིང་པོ
iiif viewer powered by OpenSeadragon
