| e-texts navigator |
| Wylie |
168b1 འཆར།། ཞེས་ཞུས་སོ།། དེ་ནས་དེ་བཞིན་གཤེགས་པས་བཀའ་སྩལ་པ། རང་བྱུང་རིག་པ་ཉག་གཅིག་ལ།། ཡོན་ཏན་ཆ་དགུར་གཞི་ལ་རྫོགས།། དེ་ཉིད་གསལ་བར་མཚོན་པའི་ལུང་།། བསྟན་པ་ཀློང་དགུ་ཐུགས
168b2 ལས་ཤར།། རིག་པ་བྱང་ཆུབ་སེམས་ཀྱི་ཀློང་།། འཕྲོ་འདུ་རིག་པ་དབྱིངས་ལ་གསལ།། བསྟན་པ་རྒྱ་མཚོ་སེམས་ཀྱི་ལུང་།། ངེས་པ་གཅིག་ཏུ་གསལ་བ་ཡིན།། རིན་ཆེན་ཀློང་གི་རང་བཞིན་ནི།། མ་བཅོས་སེམས་ཀྱི
168b3 རང་བཞིན་ཡིན།། དེ་ཉིད་མཚོན་པ་ཐབས་ཀྱི་སྒོ།། མ་བཅོས་ཐབས་ཀྱི་ཀློང་དགུ་ཉིད།། བརྗོད་བྲལ་རྟོགས་པ་བྱ་ཕྱིར་བསྟན།། མ་བཅོས་གསང་བའི་ཀློང་དགུ་ལ།། ལམ་གྱི་ཀློང་དགུས་མཉམ་སྦྱར་ནས།། འབྲས་བུ
168b4 ལྷུན་རྫོགས་གཅིག་ཏུ་སྣང་།། ལྟ་བ་གཟའ་བྲལ་རིག་པའི་ཀློང་།། མཐའ་དབུས་བྲལ་བའི་དཀྱིལ་འཁོར་ཉིད།། ཡེ་ཤེས་རང་གསལ་འགག་མེད་ཀློང་།། བླང་དོར་མེད་པ་ཀུན་ཏུ་བཟང་།། བསམ་བྲལ་མ་ཡེངས
168b5 དགོངས་པའི་ཀློང་།། བསྐུར་ཐོབ་མེད་པར་རྫོགས་པའི་དབང་།། མ་བགྲོད་མཐར་ཕྱིན་གསང་བའི་ལམ།། མ་བཅོས་བསྲུང་བྲལ་དམ་ཚིག་ཀློང་།། རང་སྣང་ལྷུན་གྲུབ་འབྲས་བུའོ།། རང་བྱུང་ཀློང་གི་དོན་རྟོགས
168b6 པས།། ཀུན་ཀྱང་བྱང་ཆུབ་སེམས་སུ་གསལ།། རང་བྱུང་མཆོག་གི་སྙིང་པོ་ལ།། ཆོས་ཀུན་འདུས་པས་ལུས་པ་མེད།། གསང་བའི་དཀྱིལ་འཁོར་གྲངས་མེད་པ།། འདུས་པའི་ཐབས་ལ་བསྟན་པ་ཡིན།། གཅིག་འདུས
iiif viewer powered by OpenSeadragon
