| e-texts navigator |
| Wylie |
168a1 བྲལ།། ཀུན་གསལ་རིག་པ་གཅིག་ལ་རྫོགས།། འོད་གསལ་ལྷུན་གྲུབ་ཆེན་པོ་ལ།། ཞེན་པའི་རྟགས་པ་གདོད་ནས་མེད།། ཀུན་གསལ་ཡེ་ཤེས་གསང་བའོ།། ཕྱོགས་མེད་ཡེ་ཤེས་ལྷུན་གྲུབ
168a2 ནི།། བཙལ་བ་མ་ཡིན་བསྒྲུབས་པ་མིན།། དམིགས་པས་མ་ཡིན་བསམ་པ་མིན།། རང་གསལ་མ་ཡིན་གཞན་པ་མིན།། རང་བྱུང་རིག་པ་ཅིར་མི་དགོངས།། ཆོས་ཉིད་མ་བཅོས་གསང་བའི་མཆོག། འཁོར་བ་ཡེ
168a3 སངས་རྒྱས་པས་ན།། མྱ་ངན་འདས་ལ་རེ་བ་མེད།། སྐུ་གསུམ་བརྟགས་པས་མཚན་མ་པས།། སངས་རྒྱས་རྣམ་རྟོག་འཁྲུལ་པའི་ལམ།། ཐམས་ཅད་བྱང་ཆུབ་སེམས་སུ་གསལ།། སེམས་ཉིད་མ་བཅོས་ཀློང་གི
168a4 དོན།། མ་བསྒྲིབས་གསལ་ལ་རང་བཞིན་འཆར།། འགྲོ་དྲུག་ཡེ་ཤེས་སྙིང་པོ་བས།། བྱང་ཆུབ་སེམས་ཀྱི་ཀློང་དུ་བད་ལ།། ཅིར་སྣང་སེམས་ཉིད་རྫོགས་པའི་ཀློང་།། ཡིན་པས་གཉིས་པ་རྣམ་པར་བཅད།། མ་བཙལ
168a5 མ་བསྒྲུབས་རང་བཞིན་གནས།། མ་བཅོས་མཁའ་ལྟར་དག་པའོ།། རིན་ཆེན་ཀློང་དགུའི་རྒྱུད་ལས། རང་བཞིན་ཀློང་གི་ལེའུ་སྟེ་གཉིས་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་དེས། དེ་བཞིན
168a6 གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། ཡེ་ཤེས་བྱང་ཆུབ་སེམས་སུ་གསལ།། རང་བྱུང་དག་པའི་སྙིང་པོ་ལ།། ཀློང་དགུའི་བསྟན་པ་ཇི་ལྟར
iiif viewer powered by OpenSeadragon
