| e-texts navigator |
| Wylie |
167b1 རང་བྱུང་སྙིང་པོ་བས།། འདུ་འབྲལ་མེད་པར་གཅིག་ལ་རྫོགས།། ཡོན་ཏན་དུས་ན་ཕྱོགས་རིགས་མེད།། ལྷུན་གྲུབ་དུས་ན་གཅིག་ཏུ་གསལ།། བརྗོད་མེད་རིག་པའི་སྙིང་པོ་ལ།། རིག་པའི་ཆོ་འཕྲུལ་ཡོངས་ཀྱིས
167b2 འབྱུང་།། སེལ་མེད་ཡེ་ཤེས་གསལ་བའི་ཀློང་།། ནམ་མཁའ་གསལ་བའི་ཀློང་ཡངས་ལྟར།། འབྱུང་འཇུག་མེད་པས་སྒྲོ་སྐུར་བྲལ།། ཡངས་པས་དགག་སྒྲུབ་ཀུན་བྲལ་རྒྱན།། མཐའ་དབུས་མེད་པའི་དེ་བཞིན་ཉིད།།
167b3 ཁྱབ་པས་ཀུན་ལ་སྙོམས་པར་གནས།། རྒྱུ་རྐྱེན་བྲལ་བས་སྐྱེ་འཇིག་མེད།། མ་སྤངས་དང་དུ་ཅིར་མ་བླངས།། ཀུན་གྱི་འབྱུང་གནས་སེམས་ཉིད་ནི།། རང་བྱུང་དགོངས་པ་རྒྱ་མཚོའི་ཀློང་།། རྒྱལ་བའི་དགོངས་པའི
167b4 ཕུགས་ཡིན་ནོ།། མཁའ་མཉམ་རིག་པའི་ཀློང་འདི་ལ།། སངས་རྒྱས་སེམས་ཅན་གཉིས་མེད་པས།། གཉིས་མེད་རིག་པའི་ཀློང་ཞེས་བྱ།། འཁོར་དང་མྱ་ངན་འདས་མེད་པས།། བྱང་ཆུབ་སྙིང་པོ་ཉིད་ཀྱི་ཀློང་།། བདེ
167b5 དང་སྡུག་བསྔལ་དབྱེར་མེད་པས།། བདེ་ཆེན་གསང་བའི་ཀློང་ཞེས་བྱ།། འདོད་འབྱུང་བཙལ་བྲལ་ལྷུན་གྲུབ་པས།། རིན་ཆེན་རིག་པ་དབྱིངས་ཀྱི་ཀློང་།། ཡོན་ཏན་ནམ་མཁའི་མཐའ་ལྟར་འབྱུང་།། མན་ངག་ཀློང་གི
167b6 རང་བཞིན་ནི།། གང་ཡང་མི་མཁྱེན་རང་གསལ་མཁྱེན།། སྙིང་པོ་མཐའ་དབུས་ལས་འདས་པས།། སྒྲ་ཚད་བརྗོད་པའི་ཡུལ་ལས་འདས།། དམིགས་པའི་དོན་དུ་མི་འགྱུར་བས།། བསམ་དཔྱད་མཚོན་པའི་ཡུལ་དང
iiif viewer powered by OpenSeadragon
