| e-texts navigator |
| Wylie |
166b1 འཆར།། འབྲས་བུ་རིན་ཆེན་ཕུང་པོ་ལྟར།། བཙལ་སྒྲུབ་མེད་པར་རང་ལ་འཆར།། ཡོན་ཏན་རོལ་པ་བསམ་མི་ཁྱབ།། དངོས་གཅིག་ཆོས་ཚུལ་བསམ་པས་ཕྱེ།། དོན་དུ་ཡེ་ཤེས་རྫོགས་པར་གནས།། འོད་གསལ་རིག
166b2 པའི་མེ་ལོང་ལ།། རོལ་པའི་གཟུགས་བརྙན་འཆར་བ་ལྟར།། མ་བཅོས་གསང་བའི་མེ་ལོང་ནི། ཁྱབ་པར་གསལ་ལ་རང་བཞིན་མེད།། རང་བྱུང་གསལ་བའི་མེ་ལོང་ནི།། རང་གསལ་རིག་པའི་དབྱིངས་ལ
166b3 གསལ།། མཚན་མ་ཐབས་ཀྱི་མེ་ལོང་ནི།། རང་ལ་རྫོགས་པའི་གཉེན་པོ་མེད།། འདུ་འབྲལ་མེད་པའི་མེ་ལོང་ནི།། གཉིས་མེད་འདྲེས་པས་གཅིག་ཏུ་གསལ།། སྣང་སྲིད་འཕྲུལ་གྱི་མེ་ལོང་ནི།། མ་འདྲེས་རིག་པའི
166b4 དོན་དུ་རྫོགས།། རང་བཞག་རིག་པའི་མེ་ལོང་ནི།། གང་ཡིན་པ་དེ་དེ་ལྟར་ཡིན།། ཀུན་འདུས་རྫོགས་པའི་མེ་ལོང་གིས།། བརྒྱད་པོ་སེམས་ལ་གསལ་བར་རྫོགས།། དགུ་བསྐོར་རིག་པ་དབྱིངས་ལ་སྡུད།། ཐམས
166b5 ཅད་སེམས་ཉིད་རྫོགས་པ་ལ།། གཉིས་མེད་རིག་པར་དོན་དུ་གསལ།། མཁའ་ལྟར་གསལ་བའི་རང་བཞིན་ལ།། སྙིང་པོ་རང་གསལ་དོན་དུ་མཐོང་།། སྣང་སྲིད་རྒྱལ་བའི་སྤྱོད་པ་ལ།། རང་བྱུང་ཀློང་དུ་ཡེ་ཤར
166b6 བས།། རང་བྱུང་ཀློང་གི་སྤྱོད་པ་ནི།། རང་བྱུང་རིག་པའི་ངང་ན་སྤྱོད།། བྱང་ཆུབ་སེམས་ཀྱི་དཀྱིལ་འཁོར་ལ།། འཁོར་ལོ་མཚན་མའི་མིང་བྲལ་བ།། སྐུ་གསུམ་ལྷུན་གྲུབ་སེམས་ཉིད་ཀློང་།། རང་བྱུང་གསང་བའི
iiif viewer powered by OpenSeadragon
