| e-texts navigator |
| Wylie |
165b1 བཞིན་དུ།། གཉིས་པའི་ཚུལ་དེ་མི་གནས་ན།། སྐལ་ལྡན་རྣམས་ཀྱི་དོན་སླད་དུ།། ཀློང་ཆེན་བསྟན་པ་བཤད་དུ་གསོལ།། ཞེས་ཞུས་སོ།། དེ་ནས་ཡང་དེ་བཞིན་གཤེགས་པ་རྡོ་རྗེ་སེམས་དཔས་བཀའ་སྩལ་པ།། སེལ་མེད་གསང་བ་རྒྱ
165b2 མཚོའི་ཀློང་།། དབྱེར་མེད་ཡེ་འབྱམ་རྨད་དུ་གྲགས།། ཐམས་ཅད་སངས་རྒྱས་མཐར་ཕྱིན་པས།། རང་བྱུང་བྱང་ཆུབ་སེམས་ཀྱི་ལུང་།། སྒྲིབ་མེད་འོད་གསལ་སྙིང་པོ་ལྟར།། རྒྱུ་རྐྱེན་བྲལ་བའི་དབྱིངས་ལ་རྫོགས།། དུང་ལ་སེར་པོར་འཛིན་པ
165b3 ལྟར།། རང་རྟོག་ལོག་པའི་འདུ་ཤེས་ཀྱིས།། བརྟགས་ཀྱང་དངོས་ལ་མི་གནས་ལྟར།། གདོད་ནས་རང་བྱུང་སྙིང་པོ་མཆོག། སྦྱངས་བསགས་མེད་པར་ལྷུན་གྱིས་གྲུབ།། སངས་རྒྱས་སེམས་ཅན་གཅིག་པའི་ལུང་།། སེམས་ཉིད་རིག་པའི་ཀློང
165b4 གི་དོན།། གསང་བའི་ཡང་གསང་རིག་པའི་ཉམས།། བརྗོད་བྲལ་བཤད་པ་ཀུན་ལས་འདས།། མཐའ་དབུས་བསམ་པ་ཀུན་དང་བྲལ།། ཡེ་ཤེས་སྙིང་པོ་གསང་བའི་དབྱིངས།། ཐམས་ཅད་རང་བྱུང་ཀློང་རྫོགས
165b5 པས།། བྱ་བའི་མཚན་མ་ཀུན་ལས་གྲོལ།། སྙིང་པོ་མི་ཕྱེད་ཡུལ་ལས་བྲལ།། བྱམས་པས་ནམ་མཁའི་མཐའ་ལྟར་བརྡལ།། དགའ་བ་རང་བྱུང་གསལ་བའི་ཉམས།། བཏང་སྙོམས་འཛིན་བྲལ་ཡེངས་པ་མེད།། ཀློང
165b6 ཆེན་བྱ་བྲལ་རྫོགས་ལུང་ལ།། གདོད་ནས་རྒྱུ་འབྲས་མཐར་ཕྱིན་པས།། བཙལ་མེད་ལྷུན་གྱིས་གྲུབ་པར་གནས།། སེམས་ཉིད་ཡེ་ཤེས་གསང་བ་ནི།། ཕྱོགས་འཛིན་ཞེན་པའི་ཡུལ་མིན་པས།། སྐལ་ལྡན་རྫོགས་པའི
iiif viewer powered by OpenSeadragon
