| e-texts navigator |
| Wylie |
164b1 ཀྱི་དབྱིངས།། རྡོ་རྗེ་སེམས་དཔས་གསུངས་པའོ།། རྫོགས་སོ།། །། རྒྱ་གར་གྱི་མཁན་པོ་ཤྲཱི་སིང་ཧ་དང་།། བོད་ཀྱི་ལོ་ཙ་བ་བཻ་རོ་ཙ་ནས་བསྒྱུར་བའོ།། ཨ་ཧཾ། རྒྱ་རྒྱ་རྒྱ། རྒྱ་རྒྱ་རྒྱ། ཤུ་བྷཾ།། །། རྒྱ་གར
164b2 སྐད་དུ། བོ་དྷི་ཙིཏྟ་ཨ་ལང་ཀ་ར་ཨ་མན་ཏ་བྷ་བ་ནཱ་མ། བོད་སྐད་དུ། བྱང་ཆུབ་ཀྱི་སེམས་ཀྱི་རྒྱ་མཚོ་ཀློང་དགུའི་རྒྱུད་ཅེས་བྱ་བ།། བཅོམ་ལྡན་འདས་རྩོལ་བྲལ་དད་ལ་ཕྱག་འཚལ་ལོ།། འདི་སྐད་བཤད་པའི་དུས
164b3 གཅིག་ན། དེ་བཞིན་གཤེགས་པ་རང་བྱུང་གསལ་བའི་སངས་རྒྱས།། ཐམས་ཅད་རང་རིག་གསལ་བའི་ངོ་བོ།། ཡེ་ཤེས་འོད་གསལ་བདེ་བ་ཆེན་པོར་རྫོགས་པ་ཉིད། རིག་པ་མཐའ་དབུས་མེད་པའི་གཞལ་ཡས་ཁང་།།
164b4 རང་རིག་གསལ་བའི་དཀྱིལ་འཁོར་ཡེ་ཤེས་ཆེན་པོའི་ཀློང་གི་གནས་ན། རང་བཞིན་གྱི་འཁོར་དང་། རང་བཞིན་ལྟ་བ་དང་། རང་བཞིན་རྟོགས་པ་དང་། དུས་གསུམ་གྱི་སངས་རྒྱས་རིལ་རིག་པའི་ཀློང་དུ་ཐབས་ཅིག
164b5 པའི་ཚུལ་དུ་བཞུགས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་སེམས་དཔའ་ལ། ཕྱག་ན་རྡོ་རྗེས་ཐམས་ཅད་ཀྱི་རང་བཞིན་འདི་སྐད་ཅེས་གསོལ་ཏོ།། ཚོགས་ཆེན་བྱང་ཆུབ་སེམས་ཉིད
164b6 ནི།། བསྟན་པ་ཐམས་ཅད་ཀུན་འདུས་པ།། རིག་པ་བསྟན་པ་ཀུན་གྱི་ཀློང་།། བྱ་བྲལ་རྫོགས་ལུང་བཤད་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ཡེ་ཤེས་ཀློང་གི་ཏིང་ངེ་འཛིན་ལ་སྙོམས་པར་ཞུགས
iiif viewer powered by OpenSeadragon
