| e-texts navigator |
| Wylie |
164a1 མཁའ་ཆེན་པོའི་ཀློང་ཆེན་བཞིན། ཁྱབ་བརྡལ་མི་འགྱུར་ཡངས་པའི་ཀློང་།། མ་ཀི་ཏ་ཡི་རྒྱ་མཚོ་བཞིན།། བདེ་ཆེན་གཉིས་མེད་ཀུན་རྫོགས་གྲོལ།། ཉི་མ་སྤྲིན་མེད་སྙིང་པོ་བཞིན།། དུས་གསུམ་འགྲིབ
164a2 མེད་དེ་བཞིན་ཉིད།། བརྒྱ་བྱིན་གཙུག་གི་ནོར་བུ་བཞིན།། འདོད་དགུ་འབྱུང་ལ་འགྲན་ཟླ་མེད།། སྐྱེ་མེད་རྟོག་མེད་ལྷུན་གྱིས་གྲུབ།། འགྱུར་མེད་རང་གསལ་རྣམ་པར་དག། མཐའ་བྲལ་རང་གྲོལ་མཚོན་དུ
164a3 མེད།། གདུལ་བྱ་དྲང་བ་དོན་གྱི་སྐབས།། །། ཚིག་གསུམ་དོན་གྱི་འབྲས་བུ་ལ།། ལྟ་བའི་རྒྱལ་པོས་རྒྱབ་ཤ་བཅད།། བསྒོམས་པས་ནང་གི་དྲས་ཟག་བཅད།། རོ་སྙོམས་སྤྱོད་པས་གཏན་ལ་དབབ།། རང་སྣང
164a4 མི་དགག་ཐབས་སུ་ཤར།། གཉུག་མའི་དབང་པོ་ལམ་ལས་གྲོལ། ཁྱབ་བརྡལ་ས་ཆེན་ནོན་པའོ།། རྒྱལ་པོ་བཙོན་དུ་བཟུང་བ་དང་།། བདུད་རྩི་ཐིགས་པ་ལྕེ་ལ་གཞག། གངས་རི་རྩེ་ནས་བསྙིལ་བ་སྟེ།། ཤིང་རྟའི
164a5 གཟེར་མགོ་གཅད་པར་བྱ།། ཐུགས་རྗེ་ཡེ་ཤེས་གདམས་པའི་སྐབས།། །། ཡེ་ཤེས་ས་གཅིག་ཆོས་ཀྱི་དབྱིངས།། འདི་ཡི་དོན་ལ་མི་འདུད་པར།། མི་ཆོས་གཡེང་བའི་ལས་བྱེད་ཅིང་།། སྣང་བ་རང་ཀ་ཐ་མལ
164a6 ལུས།། བཀའ་ལ་རས་ཆོད་ཡིག་སྣ་འཚོང་།། གསང་བའི་ཆོས་རྣམས་ཕྱི་རུ་སྨྲ།། འཁྲུལ་བའི་ཆོས་ལ་ཡང་དག་འཛིན།། དོན་དང་མཐུན་པར་ངས་མ་བཤད།། ཨེ་མ་ངེས་པའི་དོན་ལ་འཐུད།། ཡེ་ཤེས་ས་གཅིག་ཆོས
iiif viewer powered by OpenSeadragon
