| e-texts navigator |
| Wylie |
163b1 རྫོགས།། སྐུ་གསུང་ཐིག་ལེ་གཅིག་ཏུ་རྫོགས།། ལྷག་མ་མེད་པར་ཡོངས་སུ་རྫོགས།། མི་འགྱུར་མཉམ་ཉིད་དཔེ་དང་བྲལ།། དཔེ་བྲལ་ཡེ་ཤེས་མཚོན་དུ་མེད།། ཅི་ཕྱིར་བསམ་བརྗོད་དམིགས་པ་མེད།། དམིགས
163b2 མེད་ཡེ་ཤེས་རང་གསལ་ཀློང་།། མི་སྐྱེ་མི་འགག་ཅིར་མི་དགོངས།། གོ་བའི་ཡུལ་ན་བགྲོད་དུ་མེད།། བགྲོད་དུ་མེད་པས་ས་ལམ་རྫོགས།། རྟོགས་ལྡན་ཆེན་པོ་མཆོག་གི་སྐབས།། །། གཉིས་མེད་རྫོགས་པས
163b3 མཐའ་བྲལ་རྫོང་།། དམིགས་མེད་མ་སྐྱེས་དེ་ཉིད་དང་།། འགག་མེད་ཨཱ་ལི་ཀ་ལིར་རོལ།། དབྱེར་མེད་མ་བཙལ་ལྷུན་གྱིས་གྲུབ།། སྒྲ་བསམ་བརྗོད་མེད་ཚིག་ལས་འདས།། མངོན་སུམ་མི་སྣང་ཀུན་ལ་ཁྱབ། ཁྱབ
163b4 བརྡལ་མ་བཅོས་ཡེ་སངས་རྒྱས།། རང་བཞིན་འོད་གསལ་རྣམ་པར་དག། དེ་ཉིད་ཤེས་ཀྱིན་རྟོགས་ན་གྲོལ།། རྒྱལ་སྲས་བཞིན་དུ་རེ་དོགས་མེད།། དགག་སྒྲུབ་མེད་པའི་ཡེ་ཤེས་ནི།། རྒྱུ་ཡིས་མ་བསྐྱེད་རྐྱེན་དང
163b5 བྲལ།། སྟོང་གསལ་དབྱེར་མེད་ཡེ་ཤེས་ཅན།། སྐྱེ་འགག་མེད་པར་རྣམ་པར་དག་ཁྱབ་བརྡལ་དྲི་མེད་རང་བཞིན་དབྱིངས།། གཉིས་མེད་མི་འགྱུར་ཆོས་སྐུའི་རྫོང་།། ཡེ་བརྡལ་བྱང་ཆུབ་སེམས་ཀྱི་ཀློང་།། ཀུན་རྫོགས
163b6 མཐའ་བྲལ་གཉིས་མེད་ཆོས།། གཉིས་མེད་ཡང་དག་བླ་ན་མེད།། ཐེག་པ་ཀུན་གྱི་གཙོ་བོ་སྟེ།། ས་རྣམས་ཀུན་གྱི་ངོ་བོའོ།། དེ་ཉིད་དཔེ་དོན་ཚིག་གསུམ་སྐབས།། ། ཁྱབ་བརྡལ་ཆེན་པོའི་ས་ཆེན་འདི།། ནམ
iiif viewer powered by OpenSeadragon
