| e-texts navigator |
| Wylie |
163a1 གཅིག་ཆོས་ཀྱི་དབྱིངས།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྐྱེ་མེད་བློ་ལས་འདས་པའི་སྐབས།། གདོད་ནས་སྐྱེ་མེད་དོན་གྱི་ཨ།། ཐོབ་བསྒྲུབ་ཀུན་གྱི་ཡུལ་ལས་འདས།། རེ་དོགས་བློ
163a2 ལས་རྣམ་པར་གྲོལ།། སྐྱེ་མེད་བརྗོད་མེད་དེ་ཁོ་ན་ཉིད།། མཐའ་བྲལ་གཉིས་མེད་དོན་དམ་ཀློང་།། དགག་བྱ་བསྒྲུབ་བྱ་རྣམ་པར་དག། མ་སྐྱེས་རྡོ་རྗེ་གཉིས་མེད་དང་།། ཡིད་ལ་མི་བྱེད་བྱ་བཙལ་བྲལ།། བྱ་མེད་རྩོལ
163a3 བ་བྲལ་བའི་སྐབས།། མ་བཅོས་སྤྲོས་མེད་ཆོས་ཉིད་ཀློང་།། ཅིར་ཡང་མི་དམིགས་རང་བཞིན་དག། འདི་ནི་ཁྱབ་བརྡལ་ཆེན་པོའི་ས།། བགྲོད་དུ་མེད་པར་ལྷུན་གྱིས་གྲུབ།། སྐྱེ་མེད་གཉིས་མེད་སྤྲོས་དང་བྲལ།། སྐུ
163a4 ལྔ་ཡེ་ཤེས་ལྔ་ཡི་དང་།། མཐའ་བྲལ་མི་འགྱུར་བདེ་བ་ཆེ།། དམིགས་མེད་ཡེ་ཤེས་རང་སྣང་དང་། ཁྱབ་བརྡལ་ཡངས་པས་ནམ་མཁའི་ཀློང་།། སྤྲོས་མེད་བྱང་ཆུབ་སྙིང་པོའི་དབྱིངས།། སྐུ་བཞི་ཚིག་ཆོས་ཆེན་པོའི
163a5 སྐབས།། །། རྟོག་མེད་མཉམ་ཉིད་ཆོས་ཀྱི་སྐུ།། ཅིར་ཡང་མ་འགག་སྤྲུལ་བའི་སྐུ།། གཉིས་སུ་མེད་པས་རྫོགས་པའི་སྐུ།། སྐུ་གསུམ་རྫོགས་པས་ཐིག་ལེར་གཅིག། བསམ་འདས་བརྗོད་མེད་རང་སར
163a6 གྲོལ།། ཀུན་བཟང་དབྱེར་མེད་སྐྱེ་མེད་སོགས།། བགྲོད་མེད་ཡེ་ཤེས་རྫོགས་པའི་སྐབས།། །། ཐོབ་སྒྲུབ་མེད་པར་ཐམས་ཅད་རྫོགས།། སྣང་སྲིད་བྱང་ཆུབ་སེམས་སུ་རྫོགས།། འཁོར་འདས་ཆོས་ཀྱི་དབྱིངས་སུ
iiif viewer powered by OpenSeadragon
