| e-texts navigator |
| Wylie |
162b1 རང་བཞིན་ལ།། རྨ་བྱ་དག་ལ་རྒྱན་གྱིས་མཛེས།། གཞན་རྣམས་ལ་ནི་དུག་གིས་འཇིགས།། སངས་རྒྱས་དགོངས་པ་ཉིད་ཀྱི་སྐབས།། །། ཐམས་ཅད་རྫོགས་པའི་ཆོས་ཆེན་པོ།། སྐྱེ་འགག་མེད་པར་ལྷུན་གྱིས
162b2 གྲུབ། ཁྱབ་བརྡལ་མ་བཅོས་ཡེ་སངས་རྒྱས།། མཐའ་བྲལ་གཉིས་མེད་ཁོ་ནའོ།། དོན་འདི་ངེས་པར་རྟོགས་ན་ནི།། རྒྱལ་བ་ཉིད་དང་མཉམ་པ་ཡིན།། བྱ་བཙལ་ཐམས་ཅད་བྲལ་བའི་སྐབས།། །། སེམས་ཉིད
162b3 དོན་གྱི་ཡེ་ཤེས་ལ།། སྤྱད་པར་བྱ་བའི་གནས་དང་བྲལ།། བྱ་བྲལ་དང་ལ་རྣམ་པར་རོལ།། མིང་ཙམ་སྤྱོད་ཅེས་དེ་ལ་བྱ།། རྟོགས་ལྡན་རྣལ་འབྱོར་མཆོག་གི་སྐབས།། །། འབར་བ་ཆེན་པོའི་སྤྱོད་པ་ནི།། ཅིར
162b4 སྣང་བྱང་ཆུབ་སེམས་སུ་སྤྱད།། སེམས་ཉིད་ཆོས་ཀྱི་སྐུར་རུ་སྤྱད།། སྐུ་ཉིད་སྤྱད་བྱ་སྤྱོད་བྱེད་བྲལ།། བྱ་བྲལ་དང་ལ་རྣམ་པར་གནས།། སྐྱེ་མེད་དོན་གྱི་རྣལ་འབྱོར་རོ།། ཐུགས་རྗེ་རོལ་པ་གདམས་པའི
162b5 སྐབས།། །། ཡེ་ཤེས་འབར་བ་རྣལ་མའི་ཆོས།། ཡང་དག་དོན་ལ་མི་སྤྱོད་པར།། ཚིག་ལ་ཞེན་གྱིན་གྲགས་ཕྱིར་སློབ།། ང་མཁས་སྨྲ་ཞིང་དོན་མ་རྟོགས།། ཤེས་ཚུལ་འཆོས་པའི་ཁོང་ཐོག་ཅན།། རང་རིག་རང
162b6 བསླུས་སྙིང་རེ་རྗེ།། དེ་བས་སྙིང་པོའི་དོན་ལ་སྤྱོད།། ཡེ་ཤེས་འབར་བ་ཆོས་ཀྱི་དབྱིངས།། རྡོ་རྗེ་སེམས་དཔས་གསུངས་པའོ།། རྫོགས་སོ།། །། རྒྱ་གར་སྐད་དུ། ཛྙཱ་ན་དྷརྦ་ཨེ་དྷརྨཱ།། བོད་སྐད་དུ།། ཡེ་ཤེས་ས
iiif viewer powered by OpenSeadragon
