| e-texts navigator |
| Wylie |
162a1 གཡོས་ཤིང་།། དོན་དམ་བདེ་བའི་རྩིས་ཟིན་ན།། སྤྱོད་པ་ཞེས་ནི་དེ་ལ་བྱ།། ཕྱི་ནང་གསང་བ་ཁོ་ན་ཉིད།། ཕྱི་རྟོག་ནང་དུ་སྡུ་བ་དང་།། ནང་རྟོག་གསང་བར་བསྟིམ་པ་སྟེ།། གསང་རྟོག་ཁོ་ན་ཉིད་དུ
162a2 གྲོལ།། སྒོ་གསུམ་ཡེ་ཤེས་རོལ་བའི་སྐབས།། །། ལུས་ངག་ཡིད་གསུམ་སྤྱོད་པ་ནི།། ལུས་ནི་འབྱུང་ལྔ་འདུས་པའི་ལུས།། སྐུ་ལྔ་ཡེ་ཤེས་རོལ་བ་ཡིས།། རྟོག་མེད་བརྟུལ་ཞུགས་ཆེན་པོར་སྤྱད།། ཉམ་ང་མེད་པའི
162a3 སེང་གེ་བཞིན།། འབར་བ་ཆེན་པོ་སྤྲུལ་བའི་སྐུ།། འགག་མེད་རོལ་བ་ཅིར་ཡང་སྣང་།། སྣང་བ་རང་རིག་གཉིས་མེད་རྫོགས།། ངག་ནི་སྔགས་དང་སྒྲ་དབྱངས་བསྒྲགས།། འཇིག་རྟེན་འཆལ་ཚིག་སྣ་ཚོགས
162a4 ཀྱང་།། དཔེར་ན་བིན་དའི་སྐད་བཞིན་དུ།། འགག་མེད་གྲག་སྟོང་རྫོགས་པའི་སྐུ།། སེམས་ནི་ཡེ་ནས་རྣམ་པར་དག། ཉོན་མོངས་ལྔ་ཡི་སྐྱོན་དང་བྲལ།། ཨེ་མ་རང་ལ་གནས་བཞིན་དུ།། སྤྱད་པས་ཐོབ་འདོད་ཨེ་མ
162a5 འཁྲུལ།། གཉིས་མེད་དོན་དམ་མཆོག་གི་སྐབས།། །། སྤྱོད་བྱེད་བྲལ་བའི་ཡེ་ཤེས་ལ།། སངས་རྒྱས་སེམས་ཅན་གཉིས་མེད་དེ།། ལམ་གྱིས་སྤྱད་དུ་ག་ལ་ཡོད།། ཅི་སྟེ་དགག་བསྒྲུབ་མེད་པ་ལ།། རྩ་ལ་སྤྲུགས
162a6 སྨོན་ཆགས་ཡུལ་ལས་འདས།། ཟབ་མོ་བདུད་རྩི་ཚིག་གསུམ་སྐབས།། །། དགེ་སྡིག་རྫོགས་པའི་ཆོས་ཆེན་པོ།། རྟོགས་ལྡན་འགའ་ཡི་སྤྱོད་ཡུལ་ཡིན།། བླུན་པོ་རྣམས་ནི་སྐྲག་པར་འགྱུར།། དཔེར་ན་དུག་གི
iiif viewer powered by OpenSeadragon
