| e-texts navigator |
| Wylie |
161b1 ཤེས་གཉིས་སུ་མེད།། ཐམས་ཅད་གཉིས་སུ་མེད་པའི་ཀློང་།། གཉིས་སུ་མེད་པར་ཐམས་ཅད་རྫོགས།། རྒྱ་ཆད་ཕྱོགས་ལྷུང་མེད་པའི་རྫོང་།། ལྷུན་གྲུབ་ཡེ་ཤེས་རང་ཤར་སྐབས།། འགྱུར་བ་མ་ཡིན་དྲང་པོར
161b2 གསལ།། ལྷུན་གྱིས་གནས་པས་བདེ་བ་ཆེ།། རང་བྱུང་ཡེ་ཤེས་རྒྱུ་རྐྱེན་བྲལ།། རང་གི་མཐུ་ཡིས་རིག་པ་ལས།། ཆོས་ནི་གཞན་ནས་འབྱུང་མི་འགྱུར།། ཚིག་ཙམ་གཞན་ལ་བརྟེན་འདྲ་ཡང་།། དངོས་སུ་བདེ་ཆེན་རང
161b3 ལས་ཤར།། ཐུགས་རྗེས་གསང་བ་གདམ་པའི་སྐབས།། བདེ་ཆེན་རང་ཤར་ཏིང་འཛིན་འདི།། རྐུན་པོའི་ནོར་བཞིན་གསང་བར་བྱ།། འདོད་པ་མ་ཕྲེལ་བར་དུ་ནི། ཁ་འཇམ་སྲི་ཞུ་ངོ་བསྟོད་ཟེར།། འདོད་པའི་དོན་དེ
161b4 འབྲེལ་ནས་སུ།། རྒྱབ་ཀྱིས་ཕྱོགས་ནས་སློབ་དཔོན་གསང་།། རང་གི་ངོ་བོ་སྒྲ་བྱེད་པ།། ཚིག་པ་མོ་ཡི་འདུ་ཤེས་སྐྱེ།། དེ་འདྲའི་དོན་དུ་གསང་བར་བྱ།། ཡེ་ཤེས་གསལ་བ་ཆོས་ཀྱི་དབྱིངས།། རྡོ་རྗེ་སེམས་དཔས
161b5 གསུངས་པའོ།། རྫོགས་སོ།། །། རྒྱ་གར་སྐད་དུ། ཛྙཱ་ན་ཛྭ་ལ་ཨེ་དྷརྨཱ་དྷཱ་ཏུ།། བོད་སྐད་དུ།། ཡེ་ཤེས་འབར་བ་ཆོས་ཀྱི་དབྱིངས།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྐྱེ་མེད་སྤྲོས་དང་བྲལ་བའི
161b6 སྐབས།། གདོད་ནས་གཉིས་མེད་སྙིང་པོ་ཨ།། བླང་དོར་རྟོག་པ་ཀུན་དང་བྲལ།། སྐྱེ་མེད་དོན་དམ་ཆོས་ཉིད་ཀློང་།། སྤྱོད་པའི་དམ་པ་ཁོ་ནའོ།། འགྲོ་འཆག་ཉལ་དང་འདུག་པ་རྣམས།། ཅི་སྤྱོད་དོན་ལས་མ
iiif viewer powered by OpenSeadragon
