| e-texts navigator |
| Wylie |
161a1 པར་གྲོལ།། ཉོན་མོངས་ཞེར་འཛིན་རྟོག་པ་ཟད།། ལུས་ཡང་ཤིང་བལ་དབུགས་མི་ཚོར།། རྟགས་མཚན་ལུང་བྱུང་དགའ་བྲོད་མེད།། མེད་ཀྱང་དེ་ལ་ཇི་མི་སེམས།། གཉིས་སུ་མེད་པའི་དོན་ཆེན
161a2 འདི།། གསལ་ཁྱབ་ཡངས་པས་ནམ་མཁའི་ཀློང་། ཁྱུང་ཆེན་ནམ་མཁར་ལྡིང་བཞིན།། སྤྲོ་བསྡུ་མེད་པར་ཡེ་སངས་རྒྱས།། ལྟ་བ་རྫོང་ཆེན་དྲུག་གི་སྐབས།། ཀུན་གཞི་སྐྱེ་མེད་སྙིང་པོ་ལ།། འཁྲུལ་དང་མ་འཁྲུལ་རྟོག
161a3 ལས་འདས།། རྟོག་འདས་དོན་གྱི་སྙིང་པོ་ལ།། བསྒོམ་བྱ་ཆོས་ཉིད་གུད་ན་མེད།། བསྒོམ་བྱ་མིང་དུ་བཏགས་པས་ནོར།། ཅི་ཕྱིར་བརྗོད་པ་ཀུན་དང་བྲལ།། རྣམ་རྟོག་གཉེན་པོར་མི་རྟོག་བསྒོམ།། དེ་ཀ་རྟོག་པ་ཆེན་པོ
161a4 ཡིན།། རྟོག་པའི་མཚན་མ་ཅི་སྐྱེས་ཀྱང་།། དེ་ཉིད་ཆོས་ཉིད་ཡིན་ཤེས་ན།། དུག་ལ་སྨན་དུ་ཤེས་པ་བཞིན།། ཆོས་སྐུ་གཞན་ནས་བཙལ་མི་དགོས།། སྣང་བ་མེད་པའི་ཆོས་ཉིད་ནི།། མ་བཙལ་བཞག་ན་བསྒོམ་པ
161a5 ཡིན།། དེ་དང་དེར་ནི་རྣམ་བཙལ་ཀྱང་།། དེ་ལས་དེ་བཞིན་དེ་མི་འབྱུང་།། གཉིས་མེད་བདེ་བ་ཆེན་པོའི་སྐབས།། གསལ་ལ་རྟོག་མེད་ཏིང་འཛིན་ལས།། བསྒོམ་བྱ་བློ་ཡི་རྟོག་པ་ཡིན།། སྒོམ་བྱེད་སྐུར་འདེབས་ལྟ་བ
161a6 སྟེ།། བསྒོམ་བྱ་སྒོམ་བྱེད་གཉིས་མེད་དང་།། དེ་ཕྱིར་གཉིས་མེད་བདེ་ཆེན་ལ།། རྟག་ཆད་གཟུང་འཛིན་གཉིས་སུ་མེད།། ཀུན་རྫོབ་དོན་དམ་གཉིས་སུ་མེད།། བླང་དོར་སྤྱོད་འབད་གཉིས་སུ་མེད།། དབྱིངས་དང་ཡེ
iiif viewer powered by OpenSeadragon
