| e-texts navigator |
| Wylie |
159b1 པའི་སྐབས།། མི་འགྱུར་བ་ཡི་ལྟ་བ་ལ།། གཡོས་པ་མེད་པའི་རྩི་ཡི་བཟུང་།། གཡོས་པ་མེད་པའི་ཏིང་འཛིན་ལ།། མ་འགགས་པ་ཡི་རྩི་ཡིས་ཟུང་།། མ་འགགས་པ་ཡི་སྤྱོད་པ་ལ།། ལྷུན་གྱིས་གྲུབ་པའི་རྩི་ཡིས
159b2 ཟུང་།། དོན་གྱིས་རྩི་ཡིས་གང་གནས་པ།། ལྟ་བའི་དོན་ལ་གནས་པ་ཡིན།། དེས་ན་སྲིད་གསུམ་རྣམ་པར་དག། དེས་ན་འབྱུང་བ་ཡེ་སངས་རྒྱས།། དེས་ན་དུག་ལྔ་སྐུ་ལྔར་ཐིམ།། དེས་ན་འདོད་ཡོན་ཡེ་ཤེས
159b3 ལྔ།། ཐམས་ཅད་རྫོགས་པའི་ཆོས་ཆེན་པོ།། མི་འགྱུར་ཡངས་པས་དོན་དམ་རྫོང་།། ལྟ་བ་འདི་ལ་གང་གནས་པ།། སངས་མ་རྒྱས་པ་གཅིག་ཀྱང་མེད།། བརྗོད་བྲལ་གཉིས་སུ་མེད་པའི་སྐབས།། ལྟ་བའི་དགོས་དོན
159b4 ཟབ་མོ་འདི།། ཐམས་ཅད་འབྱུང་བའི་མི་ཟད་གཏེར།། ཟ་མ་ཏོག་གི་ནོར་བུ་བཞིན།། ལྷུན་གྱིས་གྲུབ་ཅིང་ཚང་བའོ།། མི་འགྱུར་ཀུན་རྫོགས་ནམ་མཁའ་ཆེ། ཁྱབ་བད་ལ་ལྷུན་གྲུབ་ཐིག་ལེ་གཅིག། བརྗོད་བྲལ་རང
159b5 གྲོལ་གནས་སུ་དག། རྡོ་རྗེ་སེམས་དཔས་མཚོན་དུ་མེད།། གཉིས་སུ་མེད་པའི་དོན་མཛོད་དེ།། ཡང་དག་བདེན་པའི་སྙིང་པོ་ཨ།། ཐུགས་རྗེ་རང་བྱུང་གདམ་པའི་སྐབས།། རྟོགས་ལྡན་འགའ་ཡི་སྤྱོད་ཡུལ
159b6 འདི།། རྨོངས་པ་རྣམས་ནི་སྐྲག་པར་འགྱུར།། བུམ་པ་ནང་གི་མར་མེ་བཞིན།། སྐལ་ལྡན་རྣམས་ཀྱིས་སྦ་བར་བྱ།། བླུན་པོར་མི་གོ་ཉོན་རེ་མོངས།། ངེས་པའི་དོན་ཆེན་མ་རྟོགས་པར། ཁ་ལྟ་རྣམ་ཤེས་ཕྱུར་པོ
iiif viewer powered by OpenSeadragon
