| e-texts navigator |
| Wylie |
159a1 དུ་དབུལ་བ་སངས།། རྩོལ་བྲལ་ཡོངས་སུ་རྫོགས་པའི་སྐབས།། མཁའ་ཀློང་རྣམ་དག་ཆོས་ཀྱི་དབྱིངས།། ཀུན་བཟང་ཡངས་པ་སྐྱེ་མེད་ཀློང་།། ཡེ་ཤེས་ལྔ་སོགས་འོད་ཟེར་འཕྲོ།། རྡོ་རྗེ་སེམས་དཔའ
159a2 འདུས་མ་བྱས།། དག་པའི་ཀློང་ན་བསྲུང་མཚམས་མེད།། མཉམ་པས་རིམ་པ་བཀོད་པ་མེད།། རྟོགས་པས་ལྟ་བའི་ཡུལ་ལས་འདས།། གསལ་བས་བསམ་གཏན་སྤྲོས་དང་བྲལ།། ཡུལ་ལས་འདས་པས་སྤྱད་དུ
159a3 མེད།། ལྷུན་གྱིས་གནས་པས་བསྒྲུབ་ཏུ་མེད།། མ་ཡེངས་དྲན་པས་རང་སར་གྲོལ།། སྔགས་དང་ཕྱག་རྒྱ་རྣམ་པར་དག། སྟོང་ཉིད་ངང་ལ་མཆོད་བཤགས་མེད།། འཁོར་འདས་ཁྱབ་བདལ་ཆེན་པོ་ལ།། འཕྲིན་ལས
159a4 རྣམ་བཞི་གདོད་ནས་རྫོགས།། རྫོགས་ཆེན་དབྱིངས་སུ་ཐམས་ཅད་རྫོགས།། ལམ་ལྔ་ཕ་རོལ་ཕྱིན་བཅུ་རྫོགས།། འགྲོ་བ་མུ་སྟེགས་རིམ་དགུ་རྫོགས།། སྣང་སྲིད་ཐིག་ལེ་གཅིག་ཏུ་རྫོགས།། འཁོར་འདས་བྱང་ཆུབ
159a5 སེམས་སུ་རྫོགས་སོ།། །། གསལ་ཁྱབ་ཤེས་བྱ་ཚིག་ཆོད་སྐབས།། ངང་དང་རང་བཞིན་བདག་ཉིད་གསུམ།། དབྱིངས་དང་ཀློང་དང་རྫོང་ཆེན་ནོ།། གཞི་དང་ལམ་དང་འབྲས་བུ་གསུམ།། མ་སྐྱེས་མ
159a6 འགགས་ལྷུན་གྱིས་གྲུབ།། ལྷུན་གྲུབ་མ་ནོར་དག་པའི་རྫོང་།། ཕྱོགས་མེད་རང་གྲོལ་དོང་སྦུགས་དབྱིངས།། གསལ་ཁྱབ་གཉིས་མེད་བདེ་ཆེན་ཀློང་།། སྐུ་གསུམ་ལྷུན་གྲུབ་སྙིང་པོ་ཨ།། རྒྱས་འདེབས་ཕྱག་རྒྱ་དག
iiif viewer powered by OpenSeadragon
