| e-texts navigator |
| Wylie |
158b1 འདས།། མཐའ་བྲལ་དོན་གྱི་སྙིང་པོ་འདི།། ཡོད་དམ་བྱས་པའི་དངོས་དང་བྲལ།། མེད་དམ་བྱས་པས་རིག་ཅིང་གསལ།། དངོས་བྲལ་རིག་གསལ་ལྟ་བའི་དབྱིངས།། ཡོད་མེད་གཉིས་མེད་ཕྱོགས་མ་ལྟུང་།། སྤང་བྱ
158b2 བླང་བྱ་གཉིས་མེད་རྫོང་།། བཏང་སྙོམ་མངོན་གྱུར་མེད་པ་ཉིད།། བརྗོད་བྲལ་དྲི་མེད་དག་པའི་གློང་། ཁྱབ་བརྡལ་མ་བཅོས་ལྷུན་གྱིས་གྲུབ།། དོན་དམ་རྣལ་འབྱོར་སྤྱོད་ཡུལ་འདི།། ཚིག་ལ་ཞེན་པའི་སྤྱོད
158b3 ཡུལ་མིན།། མདུན་རྒྱབ་ཕྱོགས་རྣམས་གང་མཐོང་བ།། བདེ་ཆེན་ཁོ་ན་ཉིད་དུ་གསལ།། ཐམས་ཅད་ལྷུན་གྲུབ་ཐིག་ལེའི་ངང་།། མཚན་མའི་སྤྱོད་ཡུལ་རྟོག་ལས་འདས།། དུས་གསུམ་གཅིག་སྟེ་ཁྱད་པར་མེད།། ཡང
158b4 དག་དོན་ལ་གནས་པའི་ཕྱིར།། ཨ་ཏི་ཡོ་ག་བདེ་ཆེན་ནི།། འདུ་འབྲལ་གཉིས་མེད་ཀུན་ཏུ་བཟང་།། རྣམ་པར་རྟོག་མེད་ལྷུན་གྱིས་གྲུབ།། བྱ་མེད་བློ་ལས་འདས་པའི་སྐབས།། འཁོར་བ་མ་བཀག་གནས་སུ
158b5 དག། མཚན་མ་མ་སྤངས་རང་སར་གྲོལ།། འཁྲུལ་པ་མ་བསལ་རྩད་ནས་ཆོད།། དུག་ལྔ་མ་བསྒྱུར་ཆོས་ཉིད་ཀློང་།། རྩོལ་སྒྲུབ་མེད་པར་ཡེ་སངས་རྒྱས།། ཡིན་པའི་དོན་ལ་ཡིན་པར་ཤེས།། ངེས་པའི་དོན་ཆེན་ཟབ
158b6 མོ་འདི།། རྒྱལ་པོ་རཏྣའི་མཛོད་བཞིན་དུ།། དགོས་པའི་དོན་རྣམས་འབྱུང་བར་ངེས།། དོན་གྱི་མཛོད་ཆེན་སྙིང་པོ་འདི།། ཀུན་ལ་ཏིལ་མར་བཞིན་དུ་གནས། ཁྱབ་བད་ལ་དོན་འདི་སུས་རྟོགས་པ།། རྒྱལ་སྲས་བཞིན
iiif viewer powered by OpenSeadragon
