| e-texts navigator |
| Wylie |
158a1 ན་ཡིས།། རྒྱུད་འདི་ལེགས་པར་བསྐུར་བྱས་པས།། མཐའ་ཡས་སེམས་ཅན་ཐམས་ཅད་ཀུན།། རང་གྲོལ་བདེ་བ་ཐོབ་པར་ཤོག། རྒྱུད་ཀྱི་རྒྱལ་པོ་ཆེན་པོ་མཁའ་མཉམ་ཀློང་གི་རྒྱུད་འདི། རྒུད་ཀྱི་མན
158a2 ངག་ཡིན་ཏེ། ཀུན་ལ་མེད་པས་གསང་བར་བྱའོ།། ས་བརྒྱད་པའི་བྱང་ཆུབ་སེམས་དཔའ་ལས་འཕྲོ་སྐལ་བར་ལྡན་ལ་གནས་སོ།། ཨི་ཏི།། ། རྒྱ་གར་སྐད་དུ།། ཛྙཱ་ན་མ་ཧཱ་ཀོ་ཥ་ཨེ་དྷརྨཱ། བོད་སྐད་དུ། ཡེ
158a3 ཤེས་མཛོད་ཆེན་ཆོས་ཀྱི་དབྱིངས།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྐྱེ་མེད་རྣམ་པར་དག་པའི་སྐབས།། གདོད་ནས་མ་སྐྱེས་སྙིང་པོ་ཨ།། སྒྲོ་སྐུར་ལྟ་བ་ཀུན་དང་བྲལ།། ཐམས་ཅད་གཅིག་གི་རང
158a4 བཞིན་ལ།། སྤོང་འགེགས་བྱིས་པས་བསླད་པ་མེད།། དབྱེར་མེད་ཡེ་ཤེས་ལྔ་ལྡན་ལ།། སྦྱོང་བགྲོད་གཉིས་ལྟ་རང་སར་གྲོལ།། སྐྱེ་འགག་གཉིས་སུ་མེད་པ་ལ།། སྐྱུར་དང་སྤྱོད་ལྔ་རྣམ་པར་དག། མཐའ་བྲལ་ལྷུན
158a5 གྱིས་གྲུབ་པའི་སྐབས།། འདི་ནི་ཐམས་ཅད་མཚུངས་པའི་ལམ།། འགྲོ་བ་ཀུན་ལ་རང་བཞིན་གནས།། ཐམས་ཅད་རང་རིག་བྱང་ཆུབ་སེམས།། འདི་ནི་ལུང་གི་ཚད་མའོ།། རྣམ་དག་སེམས་ཀྱི་རང་བཞིན་ནི།། ནམ
158a6 མཁའ་བཞིན་དུ་སྤྲོས་དང་བྲལ།། འགྱུར་བ་མ་ཡིན་དྲང་པོར་གསལ།། མ་སྐྱེས་པས་ན་འགག་པ་མེད།། དེ་བཏགས་ཡོད་དང་མེད་པའི་ཆོས།། མེད་དེ་མེད་པའི་སྙིང་པོ་ཅན།། ཡོད་དེ་རྟག་པའི་མཐའ་ལས
iiif viewer powered by OpenSeadragon
