| e-texts navigator |
| Wylie |
157b1 པའི་སེམས་ཀྱི་གཏེར།། རང་ལ་རྫོགས་པས་གཞན་གྱིས་གསལ།། འཕྲུལ་གྱི་མེ་ལོངས་དགུ་བསྐོར་ལྟར།། གང་དུ་གསལ་ཡང་དབྱིངས་ལ་རྫོགས།། རང་ལ་ཆད་ཅིང་རང་ལ་སྟོན།། སྟོན་པ་གནས་དུས་འཁོར་བསྟན
157b2 པ།། རང་བྱུང་སེམས་ཉིད་རྫོགས་པའི་ཀློང་།། གསང་མཛོད་རིག་པ་ཐུགས་ལ་གསལ།། བརྒྱུད་པ་བྱ་བྲལ་ལོགས་པའི་ལུང་།། རྡོ་རྗེ་སེམས་དཔའ་དགོངས་པའི་མཛོད།། སྒྲོ་འདོགས་སྐུར་འདེབས་རྣམ་པར
157b3 གཅོད།། རྡོ་རྗེ་སེམས་དཔའ་དེ་བཞིན་གཤེགས།། མཁའ་མཉམ་ཀློང་ལ་མཉམ་སྦྱོར་བས།། འགྲོ་བ་རང་བྱུང་སྙིང་པོའི་མཛོད།། ཐུགས་རྗེས་མཛད་པ་འདོད་དགུར་བསྒྱུར།། བསྟན་པའི་མེ་ལོང་སེམས་ཀྱི
157b4 གཏེར།། ཐེག་པའི་ཡང་རྩེ་ལུང་གི་བཅུད།། ནམ་མཁའ་དང་ནི་མཉམ་པའི་རྒྱུད།། གསང་བ་ཀུན་འདུས་རིག་པའི་ཀློང་།། ཡེ་ཤེས་འོད་གསལ་ཆེན་པོ་འདི།། དད་དང་དམ་ཚིག་ལྡན་པ་ཡིས།། གྲགས་པའི་ཆོས
157b5 བརྒྱད་རྣམ་སྤངས་པ།། ལུས་དང་སྲོག་ལ་མི་བལྟ་བའི།། རྒྱལ་ཚབ་ངེས་པ་གཅིག་ལ་གཏད།། ཅེས་གསུངས་སོ།། བྱང་ཆུབ་ཀྱི་སེམས་མཁའ་མཉམ་ཀློང་གི་རྒྱུད་ཆེན་པོ་ལས། རྒྱུད་གཏད་པའི་ལེའུ་སྟེ་ཉི་ཤུ་དྲུག
157b6 པའོ།། །། བྱང་ཆུབ་ཀྱི་སེམས་རྫོགས་པ་ཆེན་པོ། རྡོ་རྗེ་སེམས་དཔའ་མཁའ་མཉམ་ཀློང་གི་རྒྱུད་ཅེས་བྱ་བ་རྫོགས་སོ།། །། འདའ་ཧེ་ན་ཡི་འདུ་ཁང་དུ།། སྤྲུལ་པའི་སྐུ་ཤྲི་སིང་ཧ་དང་།། དགེ་སློང་བེ་རོ་ཙ
iiif viewer powered by OpenSeadragon
