| e-texts navigator |
| Wylie |
156b1 མཁའ་ལྟ་བུ་ལ།། རྩོལ་ཆགས་ཞེན་པའི་འདུ་ཤེས་ཀྱིས།། བགྲོད་པས་ཐོབ་པར་ག་ལ་འགྱུར།། སྒྲ་བྲལ་མ་བཅོས་གསང་བའི་དོན།། སྒྲ་ཉིད་ཀྱིས་ནི་གསལ་བར་བསྟན།། གང་ལ་དགའ་བ་ཉིད་ཀྱིས་དེ།། གཞན་དུ
156b2 བསྟན་པར་མ་བསྲུངས་སོ།། ལྟེང་ཆུང་གསལ་བའི་རྣལ་འབྱོར་པས།། མི་འགྲོ་རང་བཞག་གནས་པའི་ལུང་།། མི་གཡོ་མཆོག་གི་རྣལ་འབྱོར་པས།། བླ་མས་ངེས་པར་བསྟན་པར་བྱ།། ཐ་མའི་དུས་དང་ཐོག་མའི
156b3 དུས།། དུས་གསུམ་རིག་པ་མཉམ་དུ་བལྟ།། དུས་གསུམ་བཞི་འཛིན་མན་ངག་སྟེ།། བླ་མ་ཉིད་ལ་འདུད་པར་བྱ།། བརྡ་དོན་སྤྲད་པའི་དུས་སུ་ནི།། བཙལ་མེད་གནས་པའི་མན་ངག་སྦྱིན།། ཡེ་ཤེས་རོལ་བའི་རང་སྣང
156b4 ལ།། བླ་མའི་ཞལ་ལས་ཤེས་པར་བྱ།། ཇི་བཞིན་ཆུ་ལྟར་གཞག་པ་ཡིས།། དེ་མ་ཐག་ཏུ་གནས་པར་འགྱུར།། རིན་ཆེན་སྤྲད་པའི་ཆོ་ག་སྟེ།། རྣ་བརྒྱུད་གདམས་ངག་ནོད་པར་བྱ།། དུས་ཚོད་རྣམ་པ་འདུ་ཤེས
156b5 ཀུན།། འབབ་ཆུ་ལྟ་བུར་དབང་སྦྱར་ན།། རང་བྱུང་ཟུག་ཕྲད་ཉིད་དུ་འགྱུར།། ངེས་པའི་དྲོད་ཚད་ཞལ་ནས་འབྱུང་།། འཕྲུལ་གྱི་མེ་ལོང་ལྟ་བ་འམ།། ཤེལ་གྱི་ཚོན་རྐྱེན་ཕྲད་པ་ལྟར།། གནས་སྐབས་གང་དང་མཐུན་པ
156b6 ཡི།། མན་ངག་ལུང་གིས་གཏན་ལ་དབབ།། ཇི་ལྟར་གནས་པ་དེ་བལྟས་ལ།། གང་ལ་དམིགས་པ་བཞིན་ལ་གཞག། དེ་ཡི་དྲོད་ཚད་གང་ཡིན་པ།། ངེས་པ་ཉིད་དུ་བསྟན་པར་བྱ།། ངེས་པའི་དོན་ལ་མི་འགྱུར
iiif viewer powered by OpenSeadragon
